Կառավարությունը մերժել է ՕԵԿ-ի նախագիծը
 Կառավարությունն այսօր մերժել է ՀՀ ԱԺ ՕԵԿ խմբակցության պատգամավորների՝ «ՓԲԸ հարկային արտոնություններ տրամադրելու մասին» օրենքի նախագծի վերաբերյալ առաջարկը։ Տեղեկացնենք, որ նախագծով առաջարկվում է արտոնություն սահմանել ՓԲԸ-երին, ում տարեկան շրջանառությունը 16 մլն դրամ է կազմում: Միաժմանակ կառավարությունն բացասական պատասխան չի տվել ՀՀ ԱԺ ԲՀԿ խմբակցության պատգամավորներ Նաիրա Զոհրաբյանի և Միքայել Մելքումյանի «Նաիրիտ գործարան» ՓԲԸ գործունեության և կառավարման հատուկ ռեժիմ սահմանելու մասին» օրենքի նախագծին: Նախագիծը կառավարությանը ներկայացնող Էներգետիկայի և բնական պաշարների նախարար Աշոտ Մանուկյանը հայտարարեց, որ նախագիծը լրացուցիչ աշխատանք է պահանջում, քանի որ կառավարության կողմից մերժումը կարող է հանրային մեծ դժգոհություն առաջացնել: «Երեք օր եմ խնդրում կառավարությունից` հարցը պատգամավորների հետ քննարկելու համար»: Նշենք, որ նախագծով առաջարկվում է ստեղծել «Նաիրիտ Գործարան» ՓԲԸ-ի գործունեությունն ուսումնասիրող, իսկ այնուհետև ընկերությունում ներդրումային պարտավորությունների մշտադիտարկում և վերահսկողություն իրականացնող Ազգային ժողովի ժամանակավոր հանձնաժողով՝ ՀՀ կառավարության և ընկերության ներկայացուցիչների ընդգրկմամբ: |
