Վատիկանը հայտարարել է, որ Հռոմի պապ Ֆրանցիսկոսն առաջին անգամ հանդիպելու է ռուսական ուղղափառ եկեղեցու առաջնորդ Պատրիարք Կիրիլլի հետ: Այս մասին գրում է BBC-ն:
Աղբյուրը նշում է, որ պատմական հանդիպումը կայանալու է հաջորդ շաբաթ` Կուբայում: Հանդիպումը մասնավորապես տեղի է ունենալու Կուբայի մայրաքաղաք Հավանայի օդանավակայանում:
Նշվում է նաև, որ երկու եկեղեցիների առաջնորդները քննարկելու են համաքրիստոնեական հարցեր: Սպասվում է, որ հանդիպման վերջում հոգևոր երկու առաջնորդները համատեղ հռչակագիր են ստորագրելու: