Օրերս ''Դժվար ապրուստ'' սերիալի դերասանուհի Մերիի ծննդյան տարեդարձն էր: Տոնին ներկա են եղել մտերիմներն ու գործընկերները` Միհրան Ծառուկյանը, Դավիթ Մարդյանը, շոու-բիզնեսի այլ ներկայացուցիչներ:
Լուսանկարներում Միհրանն ու Մերին ռոմանտիկ մթնոլորտում բավականին մտերմիկ զրուցում են:
Հիշեցնենք, որ Մերիի ու Միհրանի սիրավեպի մասին խոսակցությունների բուռն ալիք բարձրացավ այն ժամանակ, երբ սերիալային սիրահարներ Մերին ու Գոռը համբույրի տեսարաններով հանդես եկան ֆիլմում. այնուհետ պարզվեց, որ Մերին Միհրանի հետ աշխատում է երևանյան ակումբներից մեկում: Վերջերս էլ լուրեր էին տարածվել, որ զույգը միասին մեկնել է հանգստի՝ հարևան Վրաստան:
Մերին ''Ես'' ամսագրի թղթակցի հետ զրույցում ասել է, որ չի ցանկանում խոսել այդ մասին: ''Բնական է, որ պետք է խոսեն, սակայն դա իմ անձնականն է. ոչ հերքում, ոչ էլ հաստատում եմ այդ լուրերը. չեմ ցանկանում որևէ մեկնաբանություն տալ այդ մասին'',- պնդել է նա:
Իսկ Միհրանը, ի տարբերություն Մերիի, ''Ես''-ի հետ զրույցում հերքել է լուրի ճշմարիտ լինելը: ''Բնականաբար, էդպիսի բան չկա և կարող եմ ավելացնել, որ չի էլ կարող լինել'':