Իրադարձություններ

     Գնահատելով քաղաքական ուժերի նախընտրական քարոզչության ընթացքը՝ ՀՀԿ ղեկավար Սերժ Սարգսյանը երեկ հայտարարել էր, թե «ապրիլի 2-ը խաղ չէ, սուտ շուտասելուկների մրցույթ չէ և որ ժողովուրդը պետք է հասկանա, որ այդ օրը տանիքների վրա լավ ցատկողներ չի ընտրում»՝ նկատի ունենալով Նիկոլ Փաշինյանին, ով քարոզչության ժամանակ հաճախ բարձրանում է ավտոտնակների տանիքների վրա:
     «Ելք» դաշինքի ցուցակով առաջադրված պատգամավորության թեկնածու Նիկոլ Փաշինյանը, վանաձորցիների հետ հանդիպման ժամանակ, արձագանքել է ՀՀԿ նախագահի ելույթին: «Ասում է, թե իրեն դուր չի գալիս, որ մենք տանիք ենք բարձրանում: ՀՀԿ-ն էսօր որպես պատգամավորի թեկնածու առաջադրել է մարդկանց, ովքեր 10 տարի ոչ միայն տանիք, այլև ԱԺ ամբիոն չեն բարձրացել: Նա ասում է՝ մարդիկ ցատկոտում են տանիքներով: Այո, մենք պատրաստ ենք ժողովրդին այս փոսից ելք առաջարկելու համար բարձրանալ, նույնիսկ ցատկոտել տանիքներով, ոչ թե Ս. Սարգսյանի, Գ. Ծառուկյան դաշինքի, Դաշնակցության նման ցատկոտել Սերժ Սարգսյանի ստեղծած կրկեսում: Բա ասում էիր՝ մենք կրկեսի վերածելու հայրենիք չունենք. էդ ի՞նչ եք առավոտից իրիկուն ցատկոտում կրկես սարքած ՀՀ-ում: ՀՀ-ն կրկես չէ, ՀՀ քաղաքացին կրկեսի հանդիսատես չէ, նա իրավատեր է»,- արձագանքել է թեկնածուն: