La Ferrari հիբրիդային կուպեն աճուրդներում երբևէ վաճառված ամենաթանկարժեք ավտոմեքենան է դարձել: Մեքենայի հոբելյանական 500-րդ օրինակը վաճառվել է 7 000 000 դոլարով, հաղորդում է Motor1-ը: Ստացված հասույթն ամբողջովին ուղղվելու է այս տարի Իտալիայում տեղի ունեցած երկրաշարժից տուժածներին:
Մեքենան վաճառվել է գումարով, որը հինգ անգամ գերազանցել է կուպեի նախնական արժեքը: Մնացած 499 La Ferrari-ներից հոբելյանական օրինակը տարբերվում է թափքի առջևի մասում տեղադրված իտալական դրոշով:
499 La Ferrari-ն ներկայացվել է 2013թ. և դարձել Enzo մոդելի գաղափարախոսական ժառանգորդը: Ի տարբերություն նախորդի, La Ferrari-ն հագեցված է հիբրիդային ուժային տեղակայմամբ: 6,3լ ծավալով V12 բենզինային մթնոլորտային շարծիչը զարգացնում է 963 ձիաուժ և 900Նմ պտտող պահ: