Եգիպտական EgyptAir ավիաընկերության A320 օդանավի աղետի զոհերի մարմինների քննությունը ցույց է տալիս, որ օդանավում, այնուամենայնիվ, պայթյուն է որոտացել: Այս մասին հաղորդում է Associated Press-ը:
Փորձաքննությանը մասնակցած մասնագետներից մեկն ասել է, որ Կահիրե են բերվել 80 զոհերի մարմինների մնացորդներ, այդ մնացորդները փոքր են, «դրանցում ամգամ մարմնի ամբողջական մի հատված չկա, օրինակ` ձեռք կամ ոտք»:
Իսկ Reuters գործակալությունը հայտնում է, որ փորձագետները ռումբի մնացորդներ դեռևս չեն հայտնաբերել: Բայց զոհերի մարմինների մնացորդերը հիմք են տալիս ենթադրելու, որ պայթյուն է եղել:
Հիշցնենք, որ Փարիզ-Կահիրե MS804 չվերթի А320 օդանավը Միջերկրական ծովի վրայով թռչելիս անհետացել էր ռադարներից: Հետագայում դրա բեկորները հայտնաբերվել են Միջերկրական ծովի Կարպատոս կզղուց հարավ ընկած տարածքում: Օդանավում գտնվող բոլոր 66 մարդիկ զոհվել են:
Ավիաաղետի
պատճառները դեռևս պարզվում են, կատարվում են սև արկղերի որոնողական աշխատանքներ: Ահաբեկչական ոչ մի կազմակերպություն դեռևս
չի ստանձնել կատարվածի պատասխանատվությունը: