Ռուսաստանը երբեք չի մոռանա, որ Թուրքիան աջակցում է ահաբեկիչներին, սակայն բարեկամ կմնա հասարակ թուրք ժողովրդին, այս մասին ՌԴ Արտգործ նախարար Սերգեյ Լավրովը հայտարարել է իտալական «Լիմես» ամսագրին տված հարցարույցում:
«Մենք չենք մոռանա ահաբեկիչների այդ սատարումը, սակայն, միևնույն ժամանակ, հավասարության նշան չենք դնի այսօրվա իշխող վերնախավի մի մասի, որն ուղիղ պատասխանատվություն է կրում մեր զինծառայողների մահվան համար և թուրք ժողովրդի շարքերում գտնվող մեր վաղեմի ու հուսալի բարեկամների միջև»,- ասել է նա: