Երգչուհի Ադելն այսօր պաշտոնապես հաստատել է իր նոր ալբոմի թողարկման վերաբերյալ վերջերս տարածված տեղեկությունները: Ինչպես գրում է «ԲիԲիՍի»-ն, հանրահայտ երգչուհու նոր ալբոմն ստացել է «25» անվանումը:
27-ամյա երգչուհին ձայնասկավառակի թողարկման լուրը հաստատել է «Թվիթեր»-ի իր էջում կատարած գրառման միջոցով: Երգչուհու խոսքով` ալբոմը նվիրվել է իր 25-ամյակին:
«Իմ նախկին ալբոմն անվանվել էր «21». այն հրաժեշտի մասին էր: Նոր ալբոմս` «25»-ը, հաշտեցման մասին է: Հաշտեցման` ինքս ինձ հետ: Այդ տարիքն ինձ համար ճակատագրական նշանակություն ունեցավ. ես հասկացա, թե ով եմ ուզում լինել՝ առանց որևէ էջ ջնջելու իմ անցյալից»,- նշել է երգչուհին: