Իրադարձություններ

     ԱԺ ՀԱԿ խմբակցության ղեկավար Լևոն Զուրաբյանն ու քարտուղար Արամ Մանուկյանը ևս շարժվելու են ոստիկանության Արաբկիրի բաժին, որտեղ, ինչպես հայտնել էինք, գտնվում են բերման ենթարկված ակտիվիստները:
     «Տղաներին անմիջապես ազատել է պետք: Եթե չազատեն ու չդադարեցնեն տեռորը «Չեք անցկացնիի» անդամների նկատմամբ, դիմելու ենք միջազգային կառույցներին»,- ԱԺ շենքի մոտ ասաց Արամ Մանուկյանը:
     Անդրադառնալով ոստիկանների կողմից իրեն բերման ենթարկելու փորձի մասին՝ նշեց. «Երևանում շուն ու կատու չկա, որ ինձ չճանաչի, ո՞նց կարող ա ոստիկանները չճանաչեն, երբ ամեն օր շփվում են... Ուղղակի հրահանգ էր ու զգացին՝ հիմարություն են անում, կարող է ծանր անդրադառնալ իրենց վրա, դադարեցրին»,- ասաց պատգամավորը:
     Հիշեցնենք՝ ի թիվ այլ անձանց, բողոքի ակցիայի ժամանակ փորձում էին բերման ենթարկել նաև պատգամավոր Արամ Մանուկյանին:
     Երբ լրագրողները Երևանի փոխոստիկանապետից պարզաբանում էին խնդրել տեղի ունեցածի մասին, ասել էր, թե ոստիկանները պարտավոր չեն բոլոր պատգամավորներին դեմքով ճանաչել: