Քենիայի համալսարանում սոմալիական իսլամիստական «Աշ-Շաբաբ» խմբավորման ծրագրած նոր ահաբեկչությունը դարձել է երկրում 147 մարդու մահվան պատճառ: Ինչպես գրում է «Ռոյթերս»-ը, հինգշաբթի օրը Գարիսսա կատարված այդ ահաբեկչությունը դարձել է երկրում 1988թ. ի վեր ամենադաժան հարձակումը:
Ահաբեկիչներն իրենց հանցավոր արարքն իրականացնելու ժամանակ աշխատել են ներողամիտ գտնվել մահմեդականների հանդեպ և կրակել են հիմնականում քրիստոնյա աշակերտների ուղղությամբ:
Քենիայի ՆԳՆ ղեկավար Ջոզեֆ Նիկասերին արդեն հայտնել է, որ ուսումնական հաստատության վրա հարձակված բոլոր 4 ահաբեկիչները սպանվել են:
Ահաբեկչական խմբավորման հարձակման արդյունքում 79 մարդ էլ ստացել է տարբեր աստիճանի մարմնական վնասվածքներ: Այժմ նրանք գտնվում են տեղի հիվանդանոցներում: