ԱՄՆ Բոսթոն քաղաքում միջազգային մարաթոնի ընթացքում երեկ որոտացած երկու պայթյունների հետևանքով զոհերի թիվը հասել է 3-ի, վերջին տվյալներով` 140 մարդ տուժել է:
Պայթյունները տեղի են ունեցել մի քանի վայրկյան ընդմիջմամբ` մարաթոնի կենտրոնական գրասենյակի մոտ:
ԱՄՆ իշխանությունները կատարվածը որակել են ահաբեկչություն: Բոսթոնյան փառատոնն այս տարի ընթանում էր 117-րդ անգամ: Դրան մասնակցում էին 24 հազ. մարզիկներ:
ԱՄՆ նախագահ Բարաք Օբաման հայտարարել է, որ ահաբեկչության կազմակերպիչները կհայտնաբերվեն և պատասխանատվության կենթարկվեն:
Իսկ ՄԱԿ գլխավոր քարտուղար Պան Գի Մունն ասել է, որ իրեն ցնցել է Բոսթոնում տեղի ունեցածը: