Թուրքիան Իրանից պահանջել է դադարեցնել զենքի մատակարարումը Քրդստանի բանվորական կուսակցությանը և չմիջամտել քրդական զինված ուժերի դեմ Անկարայի ռազմական գործողությանը, գրում է Yeni Şafak-ը։
«Անցած շաբաթ Սուլեյմանիայում (Իրաք-խմբ.) հանդիպում է տեղի ունեցել Թուրքիայի և Իրանի միջև։ Հանդիպմանը մասնակցել են ԱԳՆ-ի և անվտանգության ուժերի ներկայացուցիչներ։ Իրանից պահանջել են դադարեցնել ՔԲԿ-ին մատակարարումները և առաջարկել են համագործակցել ահաբեկչական կազմակերպության դեմ պայքարում»,- հայտնել են թերթի աղբյուրները։
Հաղորդվում է, որ իրանցի պաշտոնյաները հայտարարել են, որ որևէ մատակարարում չեն իրականացրել։