Հարցազրույցներ

Պետրոս Ղազարյանին տված հարցազրույցում Փաշինյանը նշեց, որ Հայաստանի կառավարությունն ամեն ինչ արել է, որ Լեռնային Ղարաբաղը չհայաթափվի, «Անընդհատ առաջ էր մղվում այդ գաղափարը, որ թող դուրս գան մարդիկ, պետք է մարդիկ այնտեղից դուրս գան, իսկ մենք ամեն ինչ անում էինք, որ այդպես չլինի։ Նաև քննադատության արժանացած հայտարարություններով փորձում էինք այնպես անել, որ դա տեղի չունենա»,- ասաց նա։

Փաշինյանը նշեց, թե կային մարդիկ, ովքեր Արցախի հայաթափմամբ էին պատկերացնում ԼՂ հարցի լուծումը։

«Այլ երկրներից կոչեր էին հնչում՝ Հայաստանում իշխանափոխություն անելու, և այլն և այլն։ Այստեղ է հարցի կուլմինացիան և պատասխանը։ Մարդիկ, ովքեր այդ կոչերով հանդես էին գալիս, նրանք համարում էին, որ ԼՂ-ի էթնիկ զտումով ԼՂ հարցը լուծվեց, և հետևաբար՝ պետք է լուծվի նաև Հայաստանի Հանրապետության հարցը: Այսինքն՝ հայեցակարգը պետք է հասնի իր լրումին։ Այսինքն՝ Հայաստանում պետք է հաստատվի դրածո իշխանություն, որը կասի՝ դե, պարզվեց, որ ՀՀ գոյությունն այլևս անիմաստ է»,- ասաց Նիկոլ Փաշինյանը։