Բելառուսի ներքին գործերի մարմինը և ներքին զորքերը կկազմեն անօդաչու ավիացիոն ստորաբաժանումներ, այդ թվում՝ զինված հարվածային անօդաչու թռչող սարքերով:
Այս մասին STV հեռուստաալիքի եթերում հայտարարել է Բելառուսի ՆԳՆ ղեկավար Իվան Կուբրակովը։
«Մենք վերահսկում ենք իրավիճակը, որն այսօր տեղի է ունենում Ուկրաինայում. մենք նոր ստորաբաժանում ունենք՝ անօդաչու ինքնաթիռներով, այսպես կոչված՝ անօդաչու թռչող սարքերով»,- ասել է Կուբրակովը։
Նրա խոսքով, անօդաչու սարքերն օգտագործվում են ոչ միայն որոշակի տարածքում օպերատիվ իրավիճակը վերահսկելու և քաղաքացիներին որոնելու, այլև թիրախները ոչնչացնելու համար։
Վարչության պետի խոսքով, աշխատանքներ են տարվում նաև սահմանամերձ բնակավայրերում։
«Ուստի այսօր ներքին գործերի մարմինների և ներքին զորքերի զինանոցն ունի ողջ անհրաժեշտ տեխնիկան և սպառազինությունը՝ մեր երկրի տարածքում կարգուկանոն հաստատելու և հանցագործությունների կատարումը կանխելու համար»,- վստահեցրել է նա։