Եվրոմիությունը մտադիր է Թուրքիային և Սիրիային տրամադրել 6,5 միլիոն եվրո շտապ օգնություն երկրաշարժերից հետո, ասվում է Եվրոհանձնաժողովի (ԵՀ) հաղորդագրության մեջ։
«Այս շաբաթվա սկզբին Թուրքիայում և Սիրիայում տեղի ունեցած մի քանի երկրաշարժերից հետո Եվրոմիությունը երկու երկրներին լրացուցիչ շտապ օգնություն կտրամադրի ԵՄ Քաղաքացիական պաշտպանության մեխանիզմի միջոցով, ինչպես նաև շտապ մարդասիրական օգնություն՝ 6,5 միլիոն եվրոյի չափով»,- ասվում է հայտարարության մեջ։
Համաձայն հաղորդագրության, «սկզբնական» 3,5 միլիոն եվրո կտրամադրվի Սիրիային շտապ հումանիտար օգնության տեսքով՝ ներառյալ ապաստան, ջուր, հիգիենա և աջակցում որոնողափրկարարական գործողություններին:
Թուրքիայի համար նախնական 3 միլիոն եվրո կտրամադրվի «երկրում երկրաշարժի հետևանքներին արձագանքելու ջանքերին աջակցելու համար»:
Ճգնաժամային կառավարման հարցերով եվրոհանձնակատար Յանեզ Լենարչիչը փետրվարի 9-ին կայցելի Թուրքիայի տուժած շրջաններ՝ համաձայնեցնելու ԵՄ գործողությունները: