Իսրայելի ռազմաօդային ուժերի կործանիչները հարված են հասցրել ՀԱՄԱՍ-ի կողմից օգտագործվող ռազմաբազայի ուղղությամբ, հայտնել է Իսրայելի պաշտպանության բանակը:
«Ի պատասխան Իսրայելի ուղղությամբ արձակվող դյուրավառ նյութերի՝ մենք հարված ենք հասցրել ՀԱՄԱՍ-ի ռազմաբազային, որն ահաբեկչական գործունեության համար ենթակառուցվածքներ ու միջոցներ է ներառում»,- ասված է հաղորդագրության մեջ։
Նշվում է, որ այդ բազան գտնվել է Գազայում քաղաքացիական օբյեկտներից, այդ թվում՝ դպրոցից ոչ հեռու:
«Մենք կշարունակենք արձագանքել Գազայի կողմից ահաբեկչության ցանկացած փորձի»,- նշել են իսրայելցի զինվորականները:
Իսրայելական ԶԼՄ-ները նախօրեին հայտնել էին, որ 3 հրդեհ է մարվել Գազայի հատվածի հետ սահմանին գտնվող Էշկոլ շրջանում: