Խնդրում ենք սպասել...
Այսօր`  չորեքշաբթի, 25 նոյեմբերի, 2020 թ.

Համացանց

«Հիմա՛ է երևում ու երևալու՝ ո՛վ, ո՛վ է». Հրանտ Տեր-Աբրահամյան

18:35, երեքշաբթի, 20 հոկտեմբերի, 2020 թ.
«Հիմա՛ է երևում ու երևալու՝ ո՛վ, ո՛վ է». Հրանտ Տեր-Աբրահամյան

Հրապարակախոս Հրանտ Տեր-Աբրահամյանը ֆեյսբուքյան իր էջում գրել է․ «Այո, հավանաբար, ժամանակն է ասել, որ մերոնք պետք է փոխեին ռազմական ինֆորմացիա մատուցելու իրենց ոճն, ու որոշ ավելի կոնկրետ խոսեին: Անորոշ ոճը լավ էր 1993-ի հաղթանակների ժամանակ: Ինչպես մարդկային կորուստներն ենք ազնվորեն հաղորդում, այդպես էլ՝ տարածքների մասին պետք է ավելի պարզ խոսեինք: Մեր ժողովուրդին, եթե վստահում ենք, ամեն ինչում պետք է վստահենք:
     Այո, սա տարածքների կռիվ չէ, բայց մոտենում է իր վճռական հանգրվաններից մեկին, որտեղ արդեն ոչ թե տարածքների, այլ բուն ստրատեգիական խնդիրներից մեկն է լուծվելու:
     Հիմա առիթ փնտրողները, առիթը գտնում են, ու, կներեք, անդուր հոտ են տարածում առավոտվանից:
     Ինֆորմացիան ինքն իրենով չեզոք բան է, նայած, ոնց մատուցես:
     Բա իմացաք, հասել են Հաքարի գետ: Սենց անորոշ բազմաշնականությամբ, յանի մնացածը դուք կռահեք:
     Խոսքս, բնականաբար շարքային քաղաքացիների մասին չէ, որոնք առաջին օրվանից էլ անհանգիստ են, ու իրավունք ունեն:
     Խոսքս, «հայտնիների» մասին է:
     Այո, իմացանք:
     Խնդիրն այն է, որ առաջին օրերից էլ, երբ դեռ ոչ մի տարածքային կորուստների մասին խոսք չկար, մենք շատ լավ տեսանք ու իմացանք, որ ով ի սկզբանե պարտություն է փնտրում, իսկ որոշներն էլ՝ անթաքույց տենչում, նա միշտ էլ կգտնի դրա առիթն էլ, «ապացույցն էլ»: Նույիսկ հաճույք էլ կստանա: Բոլոր «իմաստուն» ճառերը նախապես պատրաստ են՝ սպասում են, որ արտասանվեն, որոշներն էլ չեն դիմանում:
     Հա մենք շատ բան ենք սխալ արել: Բայց դրանք ձեր իմացած սխալները չեն: Ու նույնիսկ՝ ճիշտ հակառակ են ձեր «կոլեկտիվ» իմաստակությանը: Դրանց մասին կխոսենք հետո:
     Բայց հիմա՛ է իսկության պահը:
     Հիմա՛ է երևում ու երևալու ո՛վ, ո՛վ է:
     Այսօրվա համար ենք մեր կյանքներս ապրել:
     Խաղաղ ժամանակ կարելի է իմաստունի համբավ ձեռք բերել, քաջի համբավ ձեռք բերել: Բայց էսօր էլ համբավը չի: Էսօր՝ իսկականն է: Դու ի՞նչ որակի մարդ ես: Ամեն մեկն ինքն իր համար թող որոշի:
     Պատերազմը մոտենում է իր կարևոր, հանգրվանային փուլի:
     Մինչև հիմա նախերգանքն էր:
     Հիմա պատերազմի ստրատեգիական խնդիրներից մեկն է լուծվում:
     Կարելի է ասել, կռիվը նոր է սկսվում:
     Պարզ է՝ թշնամու այս պահի ռազմավարական նպատակը՝ փորձել վտանգել Լաչինի ճանապարհը:
     Սխալ չհասկանանք հանկարծ՝ թշնամին Լաչինի մոտ չի հիմա:
     Բայց Լաչինն է նրա նպատակը, Լաչինի հեռահար մատույցներում է կռիվը:
     Մեր նպատակն է՝ կայունացնել ճակատն այդ ուղղությամբ, ու նոր պաշտպանական գծի վրա ամրանալ: Եթե ստացվեց՝ շատ լուրջ հաջողություն կլինի:
     Ազգեր կան, որ նման պահերին ավելի են համախմբվում:
     Ազգեր կան, որ սկսում են լսել վատ հոտեր հանողներին:
     Հիմա մեր հերթն է:
     Քաջութիւն հասցէ ձեզ ի քաջէն Վահագնէ ամենայն հայոց աշխարհիս»:

| | |
6449 | 0
Facebook