Ինչպես արդեն հայտնել ենք, հունվարի 30-ին մահացած զինծառայողի հարազատների հետ հանդիպել ու զրուցել է ՀՀ ՊՆ նախարար Դավիթ Տոնոյանը: Լրագրողների հետ զրույցում Դավիթ Տոնոյանն ասաց, որ հիմա իր ասած ցանկացած բան շահարկման առարկա կարող է լինել:
«Այս պահին 3 ձերբակալված կա: Ընդ որում, 3 ձերբակալվածներից մեկը ՀՀ ԱԺ նախկին պատգամավոր Առաքել Մովսիսյանի որդին է: Համածառայակիցներ են եղել: Նրանց միջև եղել է սրված խոսակցություն: Քննությունն ամեն ինչ կպարզի: Ես այս պահին չեմ կարող պնդել, որ եղել է ինքնասպանություն: Եվ ես ձեզ մի բան եմ խնդրում` դադարեցրեք այս հեռարձակումը»,- ասաց պաշտպանության նախարարը: