Միջազգային

Զիմբաբվեի նախկին նախագահ Ռոբերտ Մուգաբեն, ով այսօր մահացավ 95 տարեկան հասակում, իր կյանքի ընթացքում ցույց տվեց, թե ինչպես ապագաղութական շարժման վառ առաջնորդից կարելի է դառնալ մի քաղաքական գործիչ, ով պատրաստ է ամեն ինչ անել՝ իր աթոռը պահելու համար, գրում է РИА Новости-ն:
     Մուգաբեն նախկինում եղել է աֆրիկյան պետությունների ամենավառ դեմքերից մեկը՝ մասնակցելով գաղութական լծից ազատագրման շարժմանը: Նրա ղեկավարության օրոք Հարավային Ռոդեզիան ստացավ վերջնական անկախություն, հաստատվեց սև մեծամասնության ղեկավարման կանոնը և երկար ժամանակ երկիրն ունեցավ զարգացման ռացիոնալ տեսլական: Նրա ղեկավարման առաջին 15 տարիների անկախության ժամանակ Զիմբաբվեում ապրող սպիտակ փոքրամասնությունն իրեն հարմարավետ էր զգում:
     Սակայն ժամանակի ընթացքում Մուգաբեն փոխեց իր կառավարման բնույթը: Նա չէր ցանկանում լքել իշխանությունը, ինչպես և աֆրիկյան շատ այլ առաջնորդներ: Սոցիալական վերաբաշխման կարգախոսի ներքո սահմանվեց սոցիալական անարդարություն, բանտարկություններ, ճնշումներ գործադրել սպիտակամաշկ ֆերմերների վրա, ովքեր կազմում էին գյուղատնտեսների զգալի մասը:
     93 տարեկան հասակում Մուգաբեն կրկին վերընտրվեց որպես նախագահ և բախվեց սեփական զինված ուժերին՝ նրանց խնդրելով թեկուզ առնվազն երկու շաբաթ կառավարել:
     ZimLive-ի տվյալներով՝ նախկին նախագահը մահացավ Սինգապուրի հիվանդանոցներից մեկում՝ շրջապատված ընտանիքի անդամներով։