ՖԻՖԱ-ն մտադիր է եզրային մրցավարներին փոխարինել ռոբոտներով, հայտնում են բրիտանական ԶԼՄ-ները։ Նշվում է, որ նախագիծը մշակման մեջ է։
«ՖԻՖԱ-ում արդեն գոյություն ունի բաժին, որը համապատասխան հետազոտություններով է զբաղվում։ Մի օր ռոբոտները կփոխարինեն եզրային մրցավարներին»,- գրում է «Mirror» պարբերականը։
Նշվում է, որ նորամուծությունը ֆուտբոլում տարածում ստացած ժամանակակից տեխնոլոգիաների զարգացման արդյունք է։ Մինչ այս գործարկվել է գոլի արձանագրման ավտոմատացված համակարգը և մրցավարների տեսօգնության համակարգը։