ԱՄՆ Կոնգրեսի Ներկայացուցիչների պալատն օրենք է ընդունել, որով կանխվում է ՆԱՏՕ-ի կազմից ԱՄՆ-ի հնարավոր դուրսբերումը, հաղորդում է Defensenews-ը:
Օրինագծին կողմ է քվեարկել Կոնգրեսի Ստորին պալատի 357 անդամ, մեծամասնությունը կազմել են դեմոկրատները, 22 հանրապետական դեմ է քվեարկել:
Այժմ փաստաթուղթն ուղարկվել է Սենատի քննարկմանը, որը վերահսկվում է հանրապետականների կողմից:
Քվեարկությանը նախորդած ասուլիսի ժամանակ դեմոկրատ օրենսդիրները մտահոգություն են հայտնել՝ կապված ՆԱՏՕ-ի կազմից ԱՄՆ-ի հնարավոր դուրսբերման վերաբերյալ մամուլի հրապարակումների հետ:
Իր ելույթներում ԱՄՆ նախագահ Դոնալդ Թրամփը բազմից քննադատել է ռազմական դաշինքի իր գործընկերներին՝ պաշտպանական կարիքների համար քիչ միջոցներ ծախսելու մեջ:
Հյուսիսատլատյան դաշինքը ձևավորվել է 70 տարի առաջ Միացյալ Նահանգների, Կանադայի և Եվրոպայում այլ դաշնակիցների կողմից՝ ԽՍՀՄ ռազմական դիմակայման համար:
Ավելի վաղ The New York Times պարբերականը գրել էր, որ Թրամփը կարող է վերադառնալ ՆԱՏՕ-ից երկրի դուրսբերման հարցի քննարկմանը: