Հետաքրքիր է

Չինացի հետազոտողների խումբը, որն ուսումնասիրում է Դալի հոմինիդի գանգը, եկել է այն եզրակացության, որ նա պատկանում է Homo sapiens տեսակին: Սա էլ կարող է ապացույց հանդիսանալ, որ ժամանակակից մարդը չի ունեցել մեկ ընդհանուր նախնի՝ Աֆրիկայից, ինչպես ընդունված է կարծել, այլ, հնարավոր է, մեր նախնիները ապրել են Ասիայում, գրում է New Scientist-ը:

     Շատ անթրոպոլոգներ ենթադրում են, որ բոլոր ժամանակակից մարդկանց ընդհանուր նախնին ապրել է Աֆրիկայի տարածքում շուրջ 200 հազար տարի առաջ և այդ մայրցամաքից վերջին 120 հազար տարիների ընթացքում մարդը բնակեցրել է մոլորակի մնացած տարածքները:
     Դալիի լավ պահպանված գանգը գտնվել է Չինաստանի Շենսի նահանգում 1978 թվականին: Գիտական այս նոր աշխատությունում մասնագետները հայտարարել են, որ Դալի մարդն ապրել է մոտ 260 հազար տարի առաջ: