2016թ. համեմատ ԱՄՆ նախագահ Դոնալդ Թրամփի ունեցվածքը կրճատվել է 600 միլիոն դոլարով: Այդ է վկայում Forbes-ի հրապարակած նոր վարկանիշը, որում ներառված են ԱՄՆ 400 ամենահարուստ անձանց անունները:
Դոնալդ Թրամփի ունեցվածքը գնահատվել է 3.1 միլիարդ դոլար: Վարկանիշում նա զբաղեցնում է 248-րդ հորիզոնականը՝ 2016-ի համեմատ՝ 92 հորիզոնականով ցածր:
Վարկանիշում առաջին տեղն զբաղեցնում է Բիլ Գեյթսը՝ 89 միլիարդ դոլար կարողությամբ: Երկրորդ տեղում Amazon-ի հիմնադիր Ջեֆ Բեզոսն է՝ 81.5 միլիարդ դոլար կարողությամբ: Եռյակը եզրափակում է գործարար Ուորեն Բաֆեթը, ում կարողությունը հասնում է 78 միլիարդ դոլարի: