Գերմանիայի դաշնության երկրամասային ներկայացուցիչների խորհրդարանը (Bundesrat) փոփոխություններ է կատարել ճանապարհային երթևեկության կանոններում: Այսուհետ չի թույլատրվում ղեկին նստել դեմքը փակ վիճակում: Այս մասին հայտնում է Deutsche Welle-ն:
Bundesrat-ը այդ միջոցը հիմնավորել է նրանով, որ վարելիս պետք է վարորդի դեմքը ճանաչվի ռադարների վրա: Այդ արգելքը պետք է գործի ողջ Գերմանիայում: Մյուս դեպքերում մուսուլմանական գլխաշորերի կրման հարցը կպահպանվի երկրամասային իշխանությունների իրավասությամբ:
Պարբերականի տեղեկություններով՝ այդ արգելքը խախտելու համար 60 եվրո չափով տուգանք կսահմանվի: