ԱՄՆ-ի գլխավորությամբ միջազգային կոալիցիան ֆոսֆորային ռումբով հարված է հասցրել Ռաքքայի հոսպիտալի ուղղությամբ, փոխանցում է սիրիական SANA գործակալությունը՝ հղում անելով տեղի «Կարմիր մահիկ» կազմակերպությանը: «Հոսպիտալը ռմբակոծվել է ավելի քան 20 արկերից, որոնց թիրախում են եղել էլեկտրագեներատորները, շտապօգնության մեքենաներն ու հոսպիտալի ներսի բաժանմունքները»,- ասել է կազմակերպության ներկայացուցիչը:
Կազմակերպության տվյալներով՝ շենքում ԴԱԻՇ-ի ահաբեկիչներ չեն եղել: Հունիսի 9-ին գործակալությունը հայտնել էր Ռաքքայում կոալիցիայի կողմից ֆոսֆորային ռումբի կիրառման մասին: Գործակալության տեղեկություններով՝ այդ ժամանակ ավիահարվածի զոհ էր դարձել առնվազն 17 մարդ: