Սիրիայում քաղաքացիական պատերազմի մեկնարկից ի վեր զոհվել է արդեն ավելի քան 330 հազար մարդ, այդ թվում՝ մոտ 100 հազար քաղաքացիական անձ: Այս են վկայում Լոնդոնում տեղակայված Մարդու իրավունքների հարցերով սիրիական դիտորդական խորհրդի տվյալները։ 2011-2017-ի հուլիսի կեսն ընկած ժամանակահատվածում Սիրիայում զոհվել է ընդհանուր առմամբ 331 765 մարդ։
Իրավապաշտպանների հաշվարկների համաձայն՝ բռնի մահվամբ զոհված 99 617 խաղաղ բնակչից 18 243-ը երեխա է:
Զինված հակամարտության հետևանքով՝ զոհվել է Սիրիայի նախագահ Բաշար Ասադին հավատարիմ 116 774 զինծառայող և նրա աջակից, ինչպես նաև 57 հազար ապստամբ, այդ թվում՝ սիրիական ընդդիմության և «Սիրիական ժողովրդավարական ուժեր» քրդական խմբավորումների դաշինքի անդամներ:
Սպանվել է 58 հազար ջիհադիստ, հիմնականում ԴԱԻՇ ահաբեկչական խմբավորման կամ «Ալ Քաիդա»-ի աջակիցներ: