Աշխատանքային այցով ԱՄՆ-ում գտնվող Ուկրաինայի նախագահ Պետրո Պորոշենկոն արդեն հայտնել է նաև Բրյուսել կատարելիք առաջիկա այցի մասին։
«Վաշինգտոնից հետո միանգամից կմեկնեմ Բրյուսել՝ մասնակցելու Նիդեռլանդների կողմից
ստորագրված վավերականացման փաստաթղթերի փոխանցմանը։ Սեպտեմբերի 1-ից ասոցացման համաձայնագիրը կմտնի ուժի մեջ»,- ասել է Պորոշենկոն, փոխանցում է Корреспондент-ը։
Հիշեցնենք՝ մայիսի 30-ին Նիդեռլանդների խորհրդարանի վերին պալատը վերջնականապես վավերացրել էր Ուկրաինայի և Եվրոմիության ասոցացման մասին համաձայնագիրը։ Նիդեռլանդները վերջին երկիրն էր, որը մինչ այդ չէր հաստատել այն: