Համացանցում է հայտնվել Կուալա Լումպուրի միջազգային օդանավակայանում Հյուսիսային Կորեայի առաջնորդ Կիմ Չեն Ինի եղբոր` Կիմ Չեն Նամի սպանության տեսագրությունը: Սպանության պահն ամրագրել են օդանավակայանում տեղադրված անվտանգության տեսախցիկները:
Տեսանյութում երևում է, թե ինչպես է սպիտակ վերնազգեստով և ջինսով աղջիկը բռնում տղամարդուն, իսկ մեկ այլ աղջիկ նրա դեմքին թունավոր նյութ է ցանում:
Այնուհետև տղամարդը դիմում է օդանավակայանի անվտանգության աշխատակցին: Նրան տանում են անվտանգության ծառայության հենակետ, որտեղ նա կորցնում է գիտակցությունն, իսկ ավելի ուշ` մահանում:
Նշենք, որ Հարավային Կորեան հայտարարել է, որ Կիմ Չեն Նամի սպանության հետևում կանգնած է Հյուսիսային Կորեայի առաջնորդ Կիմ Չեն Ինը: