Վարչապետ Կարեն Կարապետյանին խնդրեցի գնահատական տալ առողջապահության նորանշանակ նախարարի՝ «Ես մեկ-երկու մահացած ծննդկանի դեպքով չեմ զբաղվում, դրանով զբաղվում են դատական մարմինները, մորգը» հայտարարությանը:
«Եթե նա նման բան է ասել, ուրեմն ես նրան մինչ այդ չեմ ճանաչել... Իսկ ես համարում եմ նրան լավ մարդ, բարոյական մարդ, որպես պոտենցիալ կառավարիչ, ով կարող է առողջապահության համակարգում փոփոխություններ անել, որոնք ուղղված կլինեն մարդուն, քաղաքացուն բավարարելուն և ադմինիստրատիվ կառավարման թերությունները շտկելուն»,- ասել է վարչապետն ու ավելացրել՝ առողջապահության նախարարի հայտարարության մասին անձամբ չի կարդացել, սակայն տեղեկանալուն պես, առավոտյան խոսել է Լևոն Ալթունյանի հետ: