«ՀՀ կառավարության որոշմամբ՝ պետության գերակա շահ հայտարարված տարածքներում Երևանի կենտրոնը կառուցապատած ընկերությունները սնանկանում են, մինչդեռ դրանցից որոշները չեն փոխհատուցել Կենտրոնից վտարված քաղաքացիների բնակարանների դիմաց։ Կենտրոն և Նորք-Մարաշ վարչական շրջանների ընդհանուր իրավասության դատարանի՝ հուլիսի 30-ի վճռով սնանկ է ճանաչվել Կենտրոնի կառուցապատող «Վիզկոն» ընկերության տնօրեն Սիմոն Աղազարյանը։ Սնանկացել է Հյուսիսային պողոտայի կառուցապատողներից «Նորդ Այլենդ» ընկերությունը։ Սպասվում է Կենտրոնի մեկ այլ կառուցապատողի՝ «Գլենդելհիլզ»–ի սնանկացումը։ Իսկ ո՞վ պետք է փոխահատուցի մի քանի տասնյակի հասնող բնակիչներին՝ անհայտ է»,–գրում է թերթը։
Մանրամասները՝ թերթի այսօրվա համարում։