«Օրենքի նոր նախագծով իրապես շատ կոշտ մեթոդներ են ենթադրվում հուշարձան-շենքերի պահպանման կանոնների խախտումների դեպքում»,- գործակարգավարական հերթական խորհրդակցության ժամանակ ասաց քաղաքապետ Տիգրան Ավինյանը։ «Այդ կանոնների չպահպանումը շատ դառը հետևանքներ է ունենալու։ Կոչ եմ անում բոլոր հուշարձան-շենքերի սեփականտերերին հենց այս պահից համապատասխան նախնական նախագծային տեսքի վերականգնման ուղղությամբ աշխատել։ Հուշարձան-շենքերի նկատմամբ նախագծային շեղումներն ուղղակի հանցագործություն են և այդ շեղումների վերացումը սեփականատերերի պարտավորությունն է։ Այդ պարտավորությունը կա՛մ կպահպանվի, կա՛մ կպարտադրվի»,- ասաց Ավինյանը։