Իրադարձություններ

Երևանի քաղաքապետարանում ընթացող գործակարգավարական հերթական խորհրդակցության ժամանակ քննարկվեց Նորագյուղ թաղամասի վերակառուցման ծրագիրը․ «Նորագյուղ թաղամասը դառնալու է Երևանի նոր կենտրոնը»,- ասաց քաղաքապետ Ավինյանը՝ նշելով, որ ծրագրի իրագործմամբ փոխվելու է Երևանի դիմագիծն ու կյանքի հարմարավետությունը։ «Ծրագրի իրականացման ընթացքում պետք է հաշվի առնենք մի քանի կարևոր խնդիր։ Առաջին հերթին բնակիչներն են և նրանց իրավունքների պաշտպանությունն այս ամբողջ գործընթացում։ Այնտեղ շատ հին և հողաշեն տներ կան, բնակիչները կարիք ունեն բնակարանի հարցի լուծման։ Վստահ եմ, որ այս ծրագիրն օգտագործելով հնարավորություն կունենանք լուծելու Նորագյուղ թաղամասի խնդիրները։ Երկրոդը ճանապարհի խնդիրն է՝ Իսակով-Արշակունյաց միացումը, որը կբեռնաթափի երթևեկությունը։ Ծրագիրը ծավալուն է, մեծ ռեսուրսներ է ենթադրում, որի համար մեզ պետք են նաև միջազգային գործընկերներ։ Ժամանակի առումով՝ պետք է հանգիստ ռիթմով շարժվել»,-ասաց Ավինյանը։