Խերսոնից ռուսական զորքերի դուրսբերումից հետո Գենիչեսկը ժամանակավորապես կդառնա բռնակցված Խերսոնի շրջանի վարչական մայրաքաղաքը, հայտնել է Ռուսաստանի կողմից նշանակված կառավարության փոխնախագահի խոսնակ Ալեքսանդր Ֆոմինը։
«Այսօր Խերսոնի շրջանի ժամանակավոր վարչական մայրաքաղաքը Գենիչեսկն է, այնտեղ կենտրոնացած են բոլոր հիմնական իշխանությունները»,- ասել է նա։
Գենիչեսկ առողջարանային և նավահանգստային քաղաքը գտնվում է Խերսոնի շրջանի հարավում՝ Ազովի ծովի ափին, Խերսոնից 200 կմ հեռավորության վրա: Ռուսական զորքերը քաղաքը գրավել են փետրվարի 24-ին՝ Ուկրաինա ներխուժման առաջին օրը։