Մարիուպոլում, որը պատերազմի առաջին օրերից տուժում է գնդակոծություններից, արդեն ավելի քան հազար մարդ է զոհվել։
Այս մասին հայտնել է Մարիուպոլի քաղաքապետի խորհրդական Պետր Անդրյուշչենկոն։
«Նախնական տվյալներով, Ռուսաստանի Դաշնության շրջափակման և ցեղասպանության ժամանակ արդեն զոհվել է Մարիուպոլի 1300 բնակիչ: Մենք պայքարելու ենք ամեն մի բնակչի համար»,- ասել է նա։
Անդրյուշչենկոն ասել է նաև, որ ռուսական օկուպացիոն զորքերը չեն դադարեցրել գնդակոծությունները։
Քիչ առաջ հաղորդեցինք, որ ՌԴ ԶՈՒ-ն հրթիռակոծել է Մարիուպոլի ծննդատունը: