Նոր Զելանդիայում` Հարավային կղզում ափ են նետվել 416 գրինդ-դելֆիններ: Վերջին տասնամյակում սա ծովային կաթնասունների ամենախոշոր զանգվածային ինքնասպանությունն է: Կենդանիների մեծ մասը սատկել է, բայց կամավորներին հաջողվել է զանգվածային գործողույունների արդյունքում փրկել մոտ 100 կաթնասունի` նրանց հանելով ծանծաղուտից: Նրանք շարունակվում են մնալ նեղուցում, իսկ փրկարարները նավակներով փորձում են նրանց ցույց տալ ճիշտ ճանապարհը դեպի ծով:
Ակնհայտ է, որ այդ տարածաշրջանում ինչ-որ գործոն ստիպում է կետերին ցամաք նետվել, քանի որ փրկված դելֆինները նորից լողում են դեպի ափ: Այնինչ փրկարարները շատ կարճ ժամանակ ունեն նրանց ծով վերադարձնելու, քանի որ շուտով կսկվի մակընթացությունը:
