2016 թվականին Կարիբյան ծովում որսացած մուրճագլուխ-շնաձկան ԴՆԹ անալիզը պարզել է, որ ձուկը պատկանում է նախկինում անհայտ տեսակին, որի ներկայացուցիչները միլիոնավոր տարիներ առաջ առանձնացել են Ատլանտյան օվկիանոսի իրենց ցեղակիցներից: Ու թեև նրանք պահպանել են հյուսիսային ցեղակիցների հետ արտաքին նմանությունը, այնուամենայնիվ, գենետիկ տարբերությունը թույլ չի տալիս նրանց միմյանց հետ խաչասերվել:
Նշենք, որ այսօրվա դրությամբ շնաձկների ու կատվաձկների պոպուլյացիայի քառորդ մասը վերացման վտանգի տակ է: