«ՅՈՒԿՕՍ» նավթային ընկերության նախկին ղեկավար Միխայիլ Խոդորկովսկին չի ընդունել իրեն ներկայացված մեղադրանքն ու հայտարարել է, որ առնչություն չունի Նեֆտեյուգանսկի քաղաքապետ Վլադիմիր Պետուխովի մահվան հետ: Պետուխովն սպանվել է 1998թ.: «Պետուխովի սպանության գործով բավականին շատ ու բաց տեղեկատվություն կա: Կարճ կասեմ, սպանության գործը բացահայտվել է հենց նույն տարում: Սպանության կատարողները հայտնաբերվել են, ձերբակալվել, հետո ազատ արձակվել ու սպանվել»,- ասել է Խոդորկովսկին` Լոնդոնում տված մամուլի ասուլիսի ժամանակ:
Հիշեցնենք, որ երեկ Խոդորկովսկու նկատմամբ դաշնային հետապնդում էր հայտարարվել: