Միջազգային

Բրիտանական «Դեյլի Մեյլ» պարբերականն անդրադարձել է հայազգի աշխարհահռչակ հեռուստաաստղ Քիմ Քարդաշյանի արմատներին՝ հրապարակելով նրա ընտանիքի արխիվային լուսանկարները:

«Քիմ Քարդաշյանի նախնիները Հայոց ցեղասպանության զոհ դառնալուց փրկվել են հրաշքով՝ շնորհիվ մի պայծառատեսի, ով նախազգուշացրել է նրանց, որ շուտով ծանր ժամանակներ են գալու և պատերազմ է սկսվելու և խորհուրդ է տվել նրանց մեկնել Ամերիկա՝ այդ ամենից խուսափելու համար: Եվ այդպես էլ եղել է. պատերազմ է սկսվել, սակայն Քարդաշյանները կարողացել են փրկվել Առաջին համաշխարհային պատերազմի՝ 1914-18թթ. ողբերգական իրադարձություններից, քանի որ լքել էն Կարսի շրջանի Քարաքալե գյուղը և գերմանական նավահանգստով մեկնել Ամերիկա: Այն ժամանակ նրանց դեռևս անվանում էին ռուսական ոճով՝ Քարդաշովներ՝ տարածաշրջանում Ռուսաստանի գերակայության պատճառով: Այդպիսով Քարդաշովները փրկվել են նաև մեկ այլ ոճրագործությունից՝ 1915թ. սկսված Հայոց ցեղասպանությունից, որին 2 տարի անց՝ 1917թ. արդեն հաջորդեց Հոկտեմբերյան հեղափոխությունը:

Քիմ Քարդաշյանի ընտանիքին իրենց բնակավայրը լքելու հարցում օգնել է Ռուսաստանի վերջին կայսր Նիկոլայ II-ը: Քարդաշյանների ընտանիքը նամակ է գրել Ցարին՝ պատմելով գյուղում կրոնական հողի վրա կրած իրենց հալածանքների մասին և վերջինը տվել է իր թույլտվությունը. Քարդաշյանների նախնիները հարել են մոլոկան աղանդին: Այդ մասին հետագայում պատմել է Քարաքալեից Քարդաշյանների ընտանիքի հետ գաղթած մեկ այլ ընտանիքի ժառանգ»,- գրում է պարբերականը:

Աղբյուրը, ներկայացնելով Քարդաշյան ընտանիքի տոհմածառի հակիրճ պատկերը, գրում է. «Քիմ Քարդաշյանի նախապապը եղել է Թաթոս Քարդաշյանն, ով ծնվել է Քարաքալեում: Նա ընդամենը 17 տարեկան է եղել, երբ ընտանիքը 1913թ. սեպտեմբերին լքել է հայրենիքը և հաստատվել ԱՄՆ-ում: Այնտեղ նա շուտով ամուսանցել է իր համագյուղացի Հաննա Շաքարյանի հետ, որը նույնպես հարել է աղանդավորական կազմակերպության: Դրանից հետո ծնվել է Քարդաշյանի պապը՝ Արթուր Քարդաշյանն, ով էլ հետագայում ամուսնացել է Հելեն Առաքելյանի հետ. Վերջինի նախնիները նույնպես գաղթել էին Ամերիկա՝ այս անգամ արդեն՝ Էրզրում նահանգից: Արթուր Քարդաշյանի և Հելեն Առաքելյանի ամուսնությունից արդեն ծնվել է Քիմ Քարդաշյանի հայրը՝ հայտնի փաստաբան Ռոբերտ Քարդաշյանը, որի՝ Քրիս Ջենների հետ ամուսնության արդյունքում ծնվել են Քիմ, Քորթնի և Քլոե Քարդաշյան քույրերն ու Ռոբերտ Քարդաշյանը: Քրիս Ջենները սակայն Քիմի հոր մահից հետո ամուսնացել է Բրուս Ջենների հետ, և այդ ամուսնության արդյունքում լույս աշխարհ են եկել Քենդալ և Քայլի Ջեններները:

Քարաքալե գյուղը, որից գաղթել են Քարդաշյանի նախնիներն, այժմ բնակեցված է մուսուլման բնակիչներով. այնտեղ դեռևս կանգնած են իրենց բնակավայրից գաղթած հայերի կիսաքանդ տների ավերակները:

Այդ իսկ պատճառով հավանականություն կա, որ Քիմը բարեկամ ունի նաև Թուրքիայում: Գյուղի 30-ամյա մի բնակիչ՝ Մուամմեր Չոփուրը, 2 տարի առաջ հայտնել էր, որ Քիմ Քարդաշյանի հեռավոր բարեկամն է: Նրանց նախատատերը քույրեր են եղել: Ենթարվում է, որ Չոփուրը կարող է լինել Քարդաշյանի հեռավոր բարեկամը Թուրքիայում:

Քարաքալե գյուղի 30-ամյա բնակիչը՝ Մուամմեր Չոփուրը

Աղբյուրը նշում է, որ հատկանշական է, որ հենց Հայոց ցեղասպանության 100-ամյա տարելիցին ընդառաջ է Քիմ Քարդաշյանը որոշել է վերադառնալ իր արմատներին՝ 8 օրյա այցով մեկնելով Հայաստան: Այնտեղ նա այցելելու է նաև Հայոց ցեղասպանության զոհերի հիշատակին կանգնեցված Ծիծեռնակաբերդի հուշահամալիր»:

Պարբերականը ներկայացնում է Քարդաշյան ընտանիքի արխիվային լուսանկարները՝ 1900 թվականներից սկսած:

Քիմ Քարդաշյանի տատը՝ Հելեն Քարդաշյան

Քարաքալե գյուղը 20-րդ դարի սկզբում

Քիմ Քարդաշյանի տատի՝ Հելեն Քարդաշյանի և պապի՝ Արթուր Քարդաշյանի ամուսնական լուսանկարը

Քիմի տատն ու պապը մեծ տարիքում

Քիմի հայրը՝ Ռոբերտը՝ դուստրերի հետ

Ռոբերտ Քարդաշյանը աղջիկների՝ Քիմի, Քարթնիի և Քլոեի և տղայի՝ Ռոբերտ Քարդաշյանի հետ

Քիմի մայրը՝ Քրիս Ջենները՝ երեխաների հետ

Քրիս Ջեններն իր աղջիկների հետ

Քրիս Ջեններն ու Բրուս Ջենները

Քիմ Քարդաշյանը և Քանյե Ուեսթը

Փաստաթղթեր՝ Քարդաշյան ընտանիքի գաղթի վերաբերյալ

Քարաքալեն՝ ձմռանը

Քարաքալեն՝ 21-րդ դարում