«Օրենքի փոփոխությամբ 2 տոկոսանոց օֆշոր ենք ստեղծում». Թևան Պողոսյան
15:03, հինգշաբթի, 05 փետրվարի, 2015 թ.
 Պատգամավոր Խաչատուր Քոքոբելյանը հետաքրքրվեց` պահանջներին բավարարող քանի՞ կազմակերպություն կա Հայաստանում և արդյոք սա մենաշնորհ չի՞ ստեղծում արտահանման հետ կապված: «Մեկ կազմակերպություն կա ընդամենը.... Մոնոպոլիայի հետ կապված Ձեր մտահոգությունը կիսում եմ, նման հնարավորություն տեսականորեն առկա է, բայց կանխարգելիչն այն է, որ ծրագիրը պետք է արժանանա կառավարության հավանությանը»,- արձագանքեց Միրումյանը: «Ժառանգությունից» Թևան Պողոսյանն օրենքի փոփոխությունը որակեց «2 տոկոսանոց օֆշոր ստեղծող» նախագիծ ու ընդգծեց. «Նոր կազմակերպություն կստեղծվի կամ կվերագրանցվի, 2 աշխատող կունենա, 50 մլրդ կփոխանցի մեր բանկային համակարգ, կմտնի, շուկայից ինչ կգտնի, կուղարկի: Դրսից կգան, փողը կդնեն, չեք էլ կարա մերժել: Եկեք, արտահանումը բոլորի համար դարձրեք 2 տոկոս ու մի պարտադրեք 50 մլրդ...»: Ֆինանսների փոխնախարարն ասաց, որ պատրաստ են չափանիշները վերանայել, բայց եթե բոլորի համար սահմանվի 2 տոկոս, բյուջեն եկամուտների նվազում կունենա: «Պարոն Պողոսյան, մենք չենք նախատեսում, որ գործող կազմակերպությունը կարող է լուծարվել, ձևավորել նոր կազմակերպություն և օգտվել սրանից: Եվ հետո` օրենքի 4-րդ կետն ասում է, որ եթե ՀՀ տարածքում ապրանքների մատակարարումից և ծառայությունների մատուցումից եկամուտներ կան, ապա տվյալ տնտեսվարող սուբյեկտը չի կարող օգտվել նվազեցված դրույքաչափից»,- ասաց Միրումյանը: Թեման շարունակեց ՀԱԿ-ից Լևոն Զուրաբյանը. «Իրականում Ձեր ծրագրի իրականացումը նշանակում է այսպիսի մի բան. կազմակերպություն ստեղծել, որը կունենա արտահանման մոնոպոլիա, ինչպես Սերժ Սարգսյանի եղբայրը` Ալեքսանդր Սարգսյանը, ով պայմանավորվելով արաբական շեյխերի հետ, ոչխարի մսի վաճառքով մոնոպոլիզացրեց առևտուրը: Ի՞նչն է խանգարում Սարգսյանին ստեղծել նման մի վնեշտորգ, որը թույլ կտա արտահանումը վերցնել իր ձեռքը»: «Եթե մտահոգություն եք տեսնում մոնոպոլիաների ձևավորման մասով, առաջարկում եմ քննարկել, հասկանալ»,- արձագանքեց փոխնախարարը: |
3145 | 0
