Հարցազրույցներ

«Նույնիսկ 2020-ին Ադրբեջանն իրավական որևէ հիմք չուներ պատերազմ սկսելու, պատճառ չուներ, եթե չլինեին Փաշինյանի գործած սխալները»,- այս մասին «Նյուզ»-ի եթերում ասել է ՀՀ ԱԳ նախկին նախարար Վարդան Օսկանյանը՝ հավելելով. «Եթե չլիներ Փաշինյանի հայտարարությունը, որ Արցախը Հայաստան է և վերջ, եթե չլիներ հայտարարությունը՝ սկսում եմ զրոյական կետից, եթե չլիներ հայտարարությունը, որ այն, ինչ մինչև հիմա արվել է, առոչինչ է, եթե չլիներ հայտարարությունը, որ հարցի լուծումը պետք է ընդունելի լինի բոլորի համար... այս ամենը Ադրբեջանին բերեց այն համոզման, որ այս մարդու հետ բանակցելն ուղղակի անիմաստ է, դա պետք է մի կողմ դնել և նայել հարցի այլ լուծմանը»: Օսկանյանի խոսքով՝ Ադրբեջանը դիտարկում էր նաև Հայաստանի վարած քաղաքականությունն այլ երկրների հետ ու հստակ տեսնում, որ Փաշինյանը սխալ ճանապարհով է գնում: