Ադրբեջանի նախագահ Իլհամ Ալիևն ու Ռուսաստանի փոխվարչապետ Ալեքսեյ Օվերչուկը քննարկել են երկու երկրների միջև տնտեսական և տրանսպորտային-լոգիստիկ համագործակցության զարգացման ծրագրերը: Այս մասին հայտնում է Ադրբեջանի նախագահի կայքք:
«Ադրբեջանի և Ռուսաստանի միջև ապրանքաշրջանառության աճը, որը 2023 թվականի արդյունքներով կազմել է 17,5 տոկոս, ինչպես նաև բեռնափոխադրումների և տարանցիկ փոխադրումների առաջանցիկ աճը գնահատվել են որպես համագործակցության լավ ցուցանիշ։ Հանդիպմանը մտքեր են փոխանակվել նաև Հյուսիս-հարավ տրանսպորտային միջանցքի վերաբերյալ»,- ասվում է հաղորդագրության մեջ: