Խնդրում ենք սպասել...

Միջազգային

ԱՄՆ-ն ու Մեծ Բրիտանիան հարվածներ են հասցրել Եմենին. #CNN

09:36, ուրբաթ, 12 հունվարի, 2024 թ.
ԱՄՆ-ն ու Մեծ Բրիտանիան հարվածներ են հասցրել Եմենին. #CNN

ԱՄՆ-ի և Մեծ Բրիտանիայի ավիացիան և ռազմանավերը ուրբաթ գիշերը հարվածներ են հասցրել Եմենում հութիների խմբավորման ռազմական օբյեկտներին, հաղորդում է CNN-ը:

Գործողության շրջանակներում ԱՄՆ-ը գործի է դրել կործանիչներ, ռազմանավեր և սուզանավեր։ Հարվածներ են հասցվել նաև Tomahawk թևավոր հրթիռներով:

ԱՄՆ նախագահ Ջո Բայդենը հաստատել է տեղեկությունը՝ հարվածներն անվանելով «պատասխան՝ Կարմիր ծովում հութիների աննախադեպ հարձակումների»: Նա նշել է, որ անհրաժեշտության դեպքում «առանց վարանելու» լրացուցիչ միջոցներ կձեռնարկի։

«Մերձավոր Արևելքում մենք հավատարիմ ենք մեր գործընկերներին՝ օգնելու նրանց պաշտպանվել Իրանի աջակցությունը վայելող խմբավորումներից, այդ թվում՝ հութիներից։ Նրանք սպառնալիք են տարածաշրջանային անվտանգության ու կայունության համար»,- իր հերթին ասել է ԱՄՆ ռազմաօդային ուժերի կենտրոնական հրամանատար Ալեքս Գրինկևիչը:

5157 | 0
Facebook