Հայաստանը զգալի դիվիդենտներ է ստանում ԵԱՏՄ մասնակցությունից: Այս մասին ամենշաբաթյա ասուլիսի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Տարեցտարի նկատվում է Հայաստանի տնտեսական ցուցանիշների աճի բարձր տեմպ: Մենք տեսնում ենք, որ Երևանը զգալի դիվիդենտներ է ստանում միությունում իր մասնակցությունից»,- ասել է Զախարովան՝ պատասխանելով 2024 թվականին ԵԱՏՄ-ում Հայաստանի նախագահության մասին հարցին: