ԱԺ «Հայաստան» խմբակցության պատգամավոր, ՀՀ երկրորդ նախագահի որդի Լևոն Քոչարյանը «24Նյուզ»-ի «Հետագիծ Նարեկ Գալստյանի հետ» հաղորդման ժամանակ վստահեցրել է, որ գոնե առաջիկայում չի պատրաստվում նոր կուսակցություն ստեղծել: Իր մարզային հանդիպումներն ու ակտիվությունը նա պայմանավորում է իր պատգամավորական գործունեությամբ: «Պարզապես փորձում եմ մոլորությունից հանել այն մարդկանց, ովքեր իշխանության ստի ճիրաններում են»,- բացատրել է նա:
Նա մասամբ է համաձայն այն մտքին, որ ի տարբերություն Փաշինյանի առաջադրած խաղաղության խաչմերուկի, ըննդիմությունը ոչ մի գաղափար, իրավիճակից ելք չի առաջադրում: «Խնդիրը միգուցե գաղափարը մինչև վերջ քաղաքացիներին չհասցնելն է»,- կարծիք հայտնեց պատգամավորը:
Առավել մանրամասն` հարցազրույցում: