Միջազգային

Բրիտանական GlaxoSmithKline (GSK) դեղագործական ընկերությունը հրաժարվելու է վիտամիններ և սննդային հավելումներ մատակարարել Ռուսաստան, ասվում է նրա թարմացված հաղորդագրության մեջ։

«Մենք այլևս չենք ներկրելու սննդային հավելումներ և վիտամիններ, սակայն շարունակում ենք դեղեր և պատվաստանյութեր մատակարարել Ռուսաստան»,- ասել են ընկերությունից՝ նշելով, որ կենտրոնանալու են առանց դեղատոմսի դեղերի մատակարարման վրա և նվազեցնելու են բերանի խոռոչի հիգիենայի ապրանքների մատակարարումը:

GSK-ն նշել է, որ հաշվի առնելով երկիր դեղորայքի առաքման հետ կապված դժվարությունները, իրենք առաջնահերթություն են տալու մարդկանց առողջության համար ամենաանհրաժեշտ ապրանքներին՝ միաժամանակ պահպանելով պատժամիջոցները։ Ընտրելիս ընկերությունը հաշվի կառնի հիվանդների կարիքները և ռուսական շուկայում այլընտրանքների առկայությունը:

Ավելի վաղ GSK-ն հայտարարել էր, որ դադարեցնում է գովազդային գործունեությունը Ռուսաստանում և երկրում առևտրային գործունեությունից ստացված ողջ շահույթը հատկացնելու է մարդասիրական օգնությանը։ Ընկերությունը նաև հրաժարվել է նոր կլինիկական փորձարկումներից և որոշել է չհավաքագրել նոր մասնակիցներին արդեն իսկ առաջադրվածներին: