Durun lütfen yüklemiyor...
Bugün:  pazar, 22 nisan, 2018
Deposit percent:  
Armenian dram
14.00%
,
ABD Doları
6.50%
,
Avrupa Euro
4.00%
,
Rus Rublesi
8.50%

Basın

ՄԱԿ-ը փորձում է անվտանգության երաշխիքներ ստանալ Դամասկոսից
Voice of America News: Armenian
ՄԱԿ-ը փորձում է անվտանգության երաշխիքներ ստանալ Դամասկոսից
21:35, 20.04.2018 / Voice of America News: Armenian
ՄԱԿ-ը փորձում է ապահովել քիմիական զենքի արգելմամբ զբաղվող կառույցի տեսուչների անվտանգ մուտքը Դոումա ՝ քիմիական զենքի հնարավոր կիրառման փաստը հետաքննելու համար: Դամասկոսում այս հարցի շուրջ ընթանում են բանակցություններ:
Ժողովրդավարության և բռնապետության պայքար Եվրոպայում
Voice of America News: Armenian
Ժողովրդավարության և բռնապետության պայքար Եվրոպայում
21:37, 20.04.2018 / Voice of America News: Armenian
Ֆրանսիայի նախագահ Էմանուել Մաքրոնն ընդգծել է, որ Եվրոպայում ժողովրդավարության ու ավտորիտարիզմի միջև բաժանումները հիշեցնում են քաղաքացիական պատերազմներ: Վերջին շրջանում չափազանց շատ են քննարկումները Արևելյան և Կենտրոնական Եվրոպայում ծավալվող ավտորիտար միտումների մասին:
ԱՄՆ-ի նախագահի այսօրվա մտահոգություններն ու խնդիրները
Voice of America News: Armenian
ԱՄՆ-ի նախագահի այսօրվա մտահոգություններն ու խնդիրները
22:36, 20.04.2018 / Voice of America News: Armenian
ԱՄՆ-ի նախագահը պատրաստվում է Հյուսիսային Կորեայի առաջնորդի հետ պատմական ու աննախադեպ բանակցություններին: Եթե այն բարեհաջող ու արդյունավետ ավարտվի, Թրամփը որոշ ժամանակ սակայն շատ լավ կամրապնդի իր դիրքերը: Սակայն բացի կորեական խնդրից, նա ունի մի շարք այլ ներքին կարեւոր խնդիրներ, որոնք առայժմ մեծ ստվերի տակ են պահում Սպիտակ տունը: Դոնալդ Թրամփը մեծ հույսեր ունի, որ Հյուսիսային Կորեայի հետ բանակցություններում միջուկային խնդրի լուծումը դուրս կգա փակուղուց: ԱՄՆ-ի նախագահի համար սակայն հիմա ամենատհաճը իր վարչակազմի ու Ռուսաստանի միջեւ կապ որոնելու հետաքննությունն է: ''Սա շատ վատ ընթացք է մեր երկրի համար: Սակայն գաղտնի հանդիպում չի եղել: Ու նրանք ոչինչ այդ ուղղությամբ չեն հայտնաբերելու: Նման հանդիպում չկա'', շարունակ հայտարարում է նախագահը: Մյուս կողմից էլ Հետաքննությունների դաշնային բյուրոյի նախկին տնօրեն Ջեյմս Քոմիի հետ կապված խնդիրն է: Հիշեցնենք, որ նրան պաշտոնից ազատելուց հետո Թրամփը ստիպված եղավ Ռուսաստանի հետ կապված հետաքննության պատասխանատվությունը հանձնել Ռոբերտ Մյուլլերին: Քոմին ասել է, թե ունի մտավախություն, որ նախագահը կարող է այդ պարտականություններից ազատել նաեւ Մյուլլերին, ինչպես նաեւ գլխավոր դատախազի տեղակալ Ռոդ Ռոզենստայնին, ում պարբերաբար զեկուցում է Մյուլլերը: ''Սա արմատական հարձակում է ընդդեմ օրենքի գերակայությանը: Եվ բոլորիս պիտի դա մտահոգի'', ասել է Քոմին: Նախագահին մոտ կանգնած մարդկանցից ոմանք ու մի շարք խորհրդականներ Թրամփին հորդորում են դիմել գործողությունների ընդդեմ Քոմիի: Այս մասին է ասում ''Ասոշիեյթըդ փրես''-ի լրագրող Ջոնաթան Լեմիրեն: ''Այս մարդկանցից ոմանք ասում են, դու պիտի ավելի կոշտ լինես, Մյուլլերը վտանգում է քո նախագահությունը, եւ դու պիտի հեռացնես նրան պաշտոնից'': Ըստ Ամերիկյան համալսարանի դասախոսներից Քրիս Էդելսոնի, Ռուսաստանի հետ կապված հետաքննությունն ու Թրամփի անձնական փաստաբանի գրասենյակում ու տանն անցկացված խուզարկությունը շարունակում են քաղաքական նոր անորոշություն հաղորդել Սպիտակ տանը: ''Կարծում եմ, որ ինչ որ մի մեծ բան է տեղի ունենալու: Սակայն ինչ, դեռեւս չգիտեմ: Պարզ չէ նաեւ այն տեղի կունենա շաբաթների ընթացքում, թե ամիսների'': Նրա պես վերլուծաբանների նման այսօր շատերն են հասկանում, որ մի բան այս պահին զարգանում է, սակայն, թե ինչ տեսքով ու երբ է հայտնվելու, ասել շատերն են տատանվում:
Հայոց ցեղասպանության զոհերի ոգեկոչման միջոցառումը
Voice of America News: Armenian
Հայոց ցեղասպանության զոհերի ոգեկոչման միջոցառումը
23:47, 20.04.2018 / Voice of America News: Armenian
Վաշինգտոնում այս շաբաթ կայացավ Հայոց ցեղասպանության զոհերի ոգեկոչման ամենամյա միջոցառումը, որի ներկա էին մի շարք բարձաստիճան պաշտոնյաներ, հոգևորականներ և հյուրեր: Կապիտոլիումում ԱՄՆ-ի Կոնգրեսի հայկական հարցերով հանձնախմբի նախաձեռնած Հայոց ցեղասպանության զոհերի ոգեկոչման ամենամյա միջոցառմանը այս տարի կրկին հյուրընկալվել էին ԱՄՆ-ի կոնգրեսականներ, սենատորներ Հայաստանի, Արցախի և ամերիկահայ համայնքի բարձրաստիճան ներկայացուցիչներ և հոգևորականներ: ԱՄՆ-ի Կոնգրեսի Ներկայացուցիչների պալատի արտաքին քաղաքականության հարցերով հանձնաժողովի նախագահ Էդ Ռոյսը, իր ելութի ժամանակ, դատապարտելով Թուրքիայի կողմից շարունակվող Ցեղասպանության ժխտողականության քաղաքականությունը, նշեց. «Ճշմարտությունը վերապահումներով չի լինում, այն անվախ ու անկախ է, այդպիսին էլ պետք է լինի Հայոց ցեղասպանության հարցի նկատմամբ ԱՄՆ-ի վերաբերմունքը: Այդ պատճառով, ես բազմիցս կոչ եմ արել ԱՄՆ վարչակազմին կոչել իրերն իրենց անուններով և 1915-ին տեղի ունեցած բռնությունը պաշտոնապես ճանաչել որպես Հայոց ցեղասպանություն»: ''Ամերիկայի Ձայն''ի հետ ունեցած զրույցում Կոնգրեսի Ներկայացուցիչների պալատի արտաքին քաղաքականության հարցերով հանձնաժողովի նախագահ Էդ Ռոյսը նաև հավելեց, որ Հայոց ցեղասպանության վերաբերյալ բանաձևն արդեն ներկայացվել է ԱՄՆ-ի Կոնգրես: «Հետագա գործողությունների հստակ ժամկետները դեռևս պարզ չեն, բայց մենք շարունակում ենք հետևողական կերպով ճնշումներ գործադրել: Ես և իմ գործընկերները արդեն նամակով դիմել ենք նախագահ Թրամփին՝ կոչ անելով, որ նա հետևի Նախագահ Ռեյգանի օրինակին և Հայոց ցեղասպանության տարելիցի կապակցությամբ հիշատակի «ցեղասպանություն» եզրը»: ԱՄՆ-ի Կոնգրեսի Ազգային անվտանգության հարցերով հանձնաժողովի անդամ, Կալիֆորնիա նահանգը ներկայացնող դեմոկրատ կոնգրեսական և Կոնգրեսի հայկական հարցերով հանձնախմբի փոխնախագահ Ադամ Շիֆը իր ելույթում, կարևորելով ԱՄՆ-ի կողմից Հայոց Ցեղասպանության ճանաչումը, հայտարարեց, որ Հայոց ցեղացպանության ժխտողականությանը հանցակից լինելը ԱՄՆ-ի շահերից չի բխում: ''Ամերիկայի Ձայն՛՛-ի հարցին, թե որքան մեծ է հավանականությունը, որ Դոնալդ Թրամփը կտարբերվի ԱՄՆ-ի նախորդ նախագահներից և կօգտագործի «ցեղասպանություն» եզրը, Ադամ Շիֆը պատասխանեց. «Ո՞վ գիտի, նա շատ անկանխատեսելի նախագահ է: Այսօր առավոտյան նա Թուիթերում դատապարտում էր Թուրքիայի իշխանություններին ամերիկացի հոգևորականի ձերբակալման համար: Հաշվի առնելով նաև, որ Թուրքիան գնալով հեռանում է ԱՄՆ-ից ու ավելի սերտ հարաբերություններ հաստատում Իրանի և Ռուսատասնի հետ, և, եթե դիտարկենք ԱՄՆ-ի հասցեին հնչող քննադատությունները, չգիտեմ, բայց հույս ունեմ, որ նա կգնա այդ քայլին: Հելսինկյան հանձնաժողովի նախագահ, Նյու Ջերզին ներկայացնող Կոնգրեսական Քրիս Սմիթը նշեց, որ եկել է ժխտողականությունից մաքրվելու ժամանակը և հավելեց. «Սա 20-րդ դարի միակ ցեղասպանությունն է, երբ ցեղասպանություն ապրած ազգը շարունակում է առերեսվել մեղավոր կողմի բացարձակ ժխտողականություն զանգվածային քարոզչության արշավի հետ: Կապիտոլիումում ԱՄՆ-ի Կոնգրեսի հայկական հարցերով հանձնախմբի նախաձեռնած Հայոց ցեղասպանության զոհերի ոգեկոչման ամենամյա միջոցառմանը ելույթներով հանդես եկան հրավիրված հոգևորականները, բարձրաստիճան մի շարք պաշտոնյաներ, այդ թվում՝ ԱՄՆ-ի Կոնգրեսի հայկական հարցերով հանձնախմբի համանախագահ կոնգրեսական Ֆրանք Փալոնը, կոնգրեսականներ Դեյվ Թրոթը և Աննա Էշյուն: Նշենք, որ ԱՄՆ-ի Ներկայացուցիչների պալատի Հայոց ցեղասպանության ճանաչման թիվ 220 բանաձևին աջակցող կոնգրեսականների թիվն անցել է 100-ը:
Հյուսիսային Կորեայի հետ առաջին հանդիպումը` սպասումների մեծ առարկա
Voice of America News: Armenian
Հյուսիսային Կորեայի հետ առաջին հանդիպումը` սպասումների մեծ առարկա
00:14, 21.04.2018 / Voice of America News: Armenian
Հարավային Կորեայի նախագահ Մուն Ջաեինն ասում է, թե Հյուսիսից ստանում է ԱՄՆ-ի նախագահի հետ շուտով հանդիպում անցկացնելու շուրջ ոգեշնչող լուրեր: Այս պահին ընթանում են նախապատրաստական դիվանագիտական հանդիպումները, եւ այն տպավորությունն է, որ մինչեւ հանդիպումը տրամադրությունները դրական են: Հարավային Կորեայի նախագահ Մուն Ջաեինն ասել է, թե Հյուսիսը միջուկային զենքերն արգելելու հարցով ԱՄՆ-ի նախագահի հետ նախատեսված հանդիպման համար չի ներկայացրել նախապայմաններ: Շատերն էին կարծում, որ Հյուսիսը կներկայացներ Հարավային Կորեայից ամերիկյան ուժերը դուրս բերելու մասին պայման: Կապիտոլիումում ԱՄՆ-ի սենատորները ծանրութեթեւ են անում Թրամփ-Կիմ հանդիպումը եւ դեպի Հյուսիսային Կորեա Կենտրոնական հետախուզական վարչության տնօրեն Մայք Փոմփեոյի այցը: Հանրապետական սենատոր Միթչ Մաքքոնելի խոսքերով, Հյուսիսային Կորեան խնդիր է եղել ԱՄՆ-ի նախագահների համար: ''Այդ խնդիրը փոխանցվել է նախագահից նախագահի: Իսկ ահա Փոմփեոյի այցն այդ երկիր մի ջանք է, որը կարող է ի վերջո հանգեցնել արդյունքի'': Նրա խոսքերով, Թրամփի վարչակազմը Հյուսիսային Կորեայի միջուկային ծրագրի շուրջ պիտի հասնի արդյունքի, քանի որ ժամանակը սուղ է ու Հյուսիսը մոտ է իր ծրագրի իրականացմանը: Դեմոկրատներից ոմանք լավատես չեն: Երկու առաջնորդների հանդիպումը կարող է պսակվել հաջողությամբ, սակայն նախագահը չունի խելամիտ ռազմավարություն, ասում են նրանք: Դեմոկրատ սենատոր Չաք Շումերի խոսքերով, ''Իմ գլխավոր մտահոգությունն այն է, որ նախագահն ու պահի տակ որոշումներ կայացնելու նրա հակումը Միացյալ Նահանգները կարող է դնել վտանգի տակ'': Սակայն փորձագետներից շատերն են տրամադրված լավատեսորեն: Ռազմավարական եւ միջազգային հետազոտությունների կենտրոնի վերլուծաբան Սու Մի Թերրին ասում է, թե ինքը կարծում է, որ Թրամփն ու Կիմը կգան ինչ որ մի ձեւի համաձայնության: 'Կարող են համաձայնության գալ ինչ որ մի հայտարարության շուրջ կամ էլ նույնիսկ կարող են հասնել գործարքի, այնպիսի մի գործարքիը, երբ ԱՄՆ-ը կկարողանա խաղաղության պայմանագիրը դնել բանակցությունների սեղանին'': Ջորջթաունի համալսարանից Դենիս Ուայլդերի խոսքերով, ինքը չի կարծում, որ ամերիկյան կողմն այս քայլին է գնում զուտ քարոզչական նպատակներով: ''Եվ համոզված եմ, եթե Հյուսիսն այդ հանդիպմանը գա միայն այդ նպատակն ունենալով, Թրամփը չեղյալ կհայտարարի հանդիպումը'', ասում է Ուայլդերը: Նման հայտարարությամբ արդեն իսկ հանդես է եկել ԱՄՆ-ի նախագահը`շեշտելով, որ եթե բանակցությունները Կիմի հետ չընթանան իր հույսերին համապատասխան, ինքը կհեռանա հանդիպման վայրից որպես դրա պատասխան:
Ռուսաստանի ու ՆԱՏՕ-ի բարձրաստիճան զինվորականների հանդիպում Բաքվում
Voice of America News: Armenian
Ռուսաստանի ու ՆԱՏՕ-ի բարձրաստիճան զինվորականների հանդիպում Բաքվում
01:40, 21.04.2018 / Voice of America News: Armenian
Ռուսաստանի և ՆԱՏՕ-ի բարձրաստիճան զինվորականները հանդիպել են Ադրբեջանի մայրաքաղաք Բաքվում և քննարկել Սիրիայում առկա իրավիճակը: Հանդիպմանը ռուսական կողմը ներկայացնում էր Ռուսաստանի զինված ուժերի գլխավոր շտաբի պետ Վալերի Գերասիմովը, իսկ ՆԱՏՕ-ի կողմից բանակցություններին մասնակցում էր ՆԱՏՕ-ի գերագույն միացյալ հրամանատար Քուրթիս Սկապարոտին: Քննարկվող թեմաների շարքում է եղել նաև Ռուսաստանի և ՆԱՏՕ-ի ծավալած ակտիվությունը Եվրոպայում: Հիշեցնենք, որ վերջին տարիներին Ռուսաստանի ու ՆԱՏՕ-ի միջև հարաբերությունները կտրուկ լարվել էին 2014 թվականի Ղրիմի բռնակցումից հետո: Սիրիական հակամարտությունը ևս բացասաբար է ազդել կողմերի հարաբերությունների վրա: 2013 թվականից ի վեր սա առաջին հանդիպումն էր նրանց միջև: ՆԱՏՕ-ի աղբյուրները հաղորդում են, որ Բաքվի հանդիպմանը քննարկվել են ռազմական ակտիվության և կողմերի միջև ռազմական հնարավոր բախումը կանխելու հետ կապված հարցեր: Ռուսական կողմի հաղորդմամբ, քննարկվել են վստահության մեծացման միջոցների և միջադեպերի կանխման վերաբերյալ խնդիրներ: Ինչպես տեղեկացնում են ռուսական լրատվամիջոցները, Ադրբեջանում Վալերի Գերասիմովը հանդիպել է նաև Ադրբեջանի նախագահ Իլհամ Ալիևին, որի ընթացքում քննարկվել են ռազմական համագործակցությանն առնչվող հարցեր: Ադրբեջանի նախագահը հանդիպել է նաև ՆԱՏՕ-ի պատվիրակության հետ:
Հայաստանի ցույցերը քննարկվել են Վաշինգտոնում՝ ՀՀ փոխվարչապետի հետ
Voice of America News: Armenian
Հայաստանի ցույցերը քննարկվել են Վաշինգտոնում՝ ՀՀ փոխվարչապետի հետ
06:33, 21.04.2018 / Voice of America News: Armenian
Համաշխարհային բանկի եւ Արժույթի միջազգային հիմնադրամի գարնանային հանդիպումների շրջանակներում Միացյալ Նահանգների մայրաքաղաքում գտնվող Հայաստանի փոխվարչապետ Վաչե Գաբրիելյանը Վաշինգտոնում քննարկել է քաղաքական եւ տնտեսական հարցեր, այդ թվում եւ՝ Հայաստանում տեղի ունեցող ներքաղաքական զարգացումները:
Սերժ Թանկյանը հուսով է, որ «մոտ ատենից կմիանա Երևանի երիտասարդներին»
CIVILNET
Սերժ Թանկյանը հուսով է, որ «մոտ ատենից կմիանա Երևանի երիտասարդներին»
07:14, 21.04.2018 / CIVILNET
System of a Down ռոք խմբի մենակատար Սերժ Թանկյանն այժմ չի կարող գալ Հայաստան, բայց հուսով է, որ շուտով կկարողանա։ Նա երգ է գրել՝ նվիրված Հայաստանում խաղաղ դիմադրությանը։ «Խելացի կամքի տեր և անուշիկ երիտասարդներ Հայաստանի։ Ես շատ կուզեի ձեզ միանալ Երևանում և այլ քաղաքներում։ Սիրտս և միտք ամբողջովին ձեզ հետ է։ Մինչև հիմա չեմ կարողացած այլանդակ, բայց կարևոր պատճառներով, բայց կհուսամ, որ մոտ ատենից կկարողանամ»,- իր տեսաուղերձում հայերեն ասում է Թանկյանը։ Իսկ Ֆեյսբուքում նա գրել է․ «Թվում է, թե Հայաստանում իմ ներկայության հարցը մեծ իրարանցում է առաջացրել։ Ներողություն եմ խնդրում դրա համար, թեև իսկապես ոչինչ չեմ կարող անել։ Փողոցի երիտասարդներն են միայն, որոնց ես վստահում եմ Հայաստանի ապագան, և միայն իմ կայքերից կարող եք հավաստի իմանալ իմ գործողությունների մասին։ Ես այս վիդեոն գրել եմ նախորդ գիշերը։ Այն նվիրված է ձեզ՝ Հայաստանի խաղաղ դիմադրությանը։ #armeniaprotest #yerevanprotest»։ Ավելի վաղ Հայկական ժամանակը հաղորդել էր, թե Թանկյանը ժամանում է ապրիլի 22-ի առավոտյան։
Լույս հիմնադրամի կրթաթոշակառուները Սերժ Սարգսյանին կոչ են անում կատարել խոստումը և հրաժարվել վարչապետի պաշտոնից
CIVILNET
Լույս հիմնադրամի կրթաթոշակառուները Սերժ Սարգսյանին կոչ են անում կատարել խոստումը և հրաժարվել վարչապետի պաշտոնից
12:09, 21.04.2018 / CIVILNET
Լույս հիմնադրամի՝ աշխարհի լավագույն համալսարանների կրթաթոշակառուները բաց նամակ են հղել Սերժ Սարգսյանին՝ կոչ անելով նրան հավատարիմ մնալ խոստմանը և չզբաղեցնել վարչապետի պաշտոնը, քանի որ «իշխանության մեջ բազմավարություն և փոխարինելիություն, ինչպես նաև սերնդափոխություն ապահովելու սկզբունքը խախտվել է»: Նամակը վերնագրված է «Հայաստանի Հանրապետության երրորդ նախագահ պարոն Սերժ Սարգսյանին»։ Ինչպես գիտեք, մեր երկրում կրկին անհանգստության և խռովությունների ալիք է բարձրացել, քանի որ մեր համաքաղաքացիների մի ստվար զանգված, ներառյալ փողոց դուրս եկած երիտասարդները, կարծում են, որ իրենց հետ անարդար են վարվել, և մեր ու մեր երկրի ապագան վտանգված է: Դուք նաև գիտեք, որ մենք` ներքոստորագրյալներս, որպես Լույս հիմնադրամի կրթաթոշակառուներ, բազմաթիվ առիթներ ենք ունեցել միմյանց հայտնելու Հայաստանի ներկայի ու ապագայի վերաբերյալ երազանքներ, տեսլականներ ու ծրագրեր: Այս հարցում մեր տեսակետները չեն տարբերվել առ այն, որ մենք և Դուք բազմիցս բարձրաձայնել ենք Հայաստանի պայծառ ապագա կառուցելու մեր տրամադրվածությունն ու վճռականությունը և այդ հարցում բոլորիս ջանքերի համադրման կարևորությունը: Եվ այս ճանապարհին Դուք և մենք կրկին բարձրաձայնել և կարևորել ենք ժողովրդավարության և բազմավարության դերն ու նշանակությունը: Սակայն այսօր մենք անհանգստացած և մտահոգ ենք, քանի որ ժողովրդավարական պետություն և հասարակություն կառուցելու ճանապարհից շեղվել ենք և ըստ էության շեղվում ենք միմյանց տրված խոստումներից: Այսպես ենք կարծում, քանի որ իշխանության մեջ բազմավարություն և փոխարինելիություն, ինչպես նաև սերնդափոխություն ապահովելու սկզբունքը խախտվել է: Լինելով աշխարհի լավագույն համալսարանների շրջանավարտներ` մենք հանդիսանում ենք ժամանակակից գիտելիքի և ազատ մտքի կրողներ և հետևաբար վստահ կարող ենք ասել, որ ներառական բնույթի քաղաքական ու տնտեսական հաստատություններ չունեցող մեր երկրում իշխանության բարձրագույն պաշտոնը մեկ անձի կողմից երրորդ անգամ զբաղեցնելը` անկախ հանգամանքներից, վտանգում են ժողովրդավարությունն ու բազմավարությունը, ինչը իր հերթին գալիս է նսեմացնելու հասարակությունում արդարության և հանդուրժողականության սկզբունքները: Հաշվի առնելով վերոգրյալը` կոչ ենք անում չգնալ ձեր խոստմանը հակառակ և հետ կանգնել իշխանությունը, մասնավորապես` ՀՀ վարչապետի պաշտոնը ստանձնելու Ձեր քայլից: Սրանով Դուք մեծ ներդրում կատարած կլինեք Հայաստանի` որպես ժողովրդավարական պետության կայացման հարցում: Միաժամանակ, մեր համակրանքն ենք հայտնում ցուցարար ուսանողներին և հորդորում ենք ուսումնական հաստատությունների ղեկավարներին զերծ մնալ նրանց նկատմամբ ճնշումներ կիրառելուց, իսկ ՀՀ ոստիկանությանը` ուժ չկիրառել փողոց դուրս եկած մեր հայրենակիցների նկատմամբ: Նրանք և մենք բոլորս պայքարում ենք ավելի լավ Հայաստանի համար: Նամակը ստորագրել է Լույս հիմնադրամի 61 կրթաթոշակառու․
Սերժ Սարգսյանը Նիկոլ Փաշինյանին կոչ է անում անհապաղ նստել բանակցությունների սեղանի շուրջ
CIVILNET
Սերժ Սարգսյանը Նիկոլ Փաշինյանին կոչ է անում անհապաղ նստել բանակցությունների սեղանի շուրջ
12:23, 21.04.2018 / CIVILNET
Հայտարարություն է տարածել Սերժ Սարգսյանը՝ Նիկոլ Փաշինյանին կոչ անելով անհապաղ նստել քաղաքական երկխոսության և բանակցությունների սեղանի շուրջ: «Անցած շաբաթվա ընթացքում մայրաքաղաք Երևանում տեղի են ունեցել մի շարք ցույցեր և երթեր: Խաղաղ ցույցեր և երթեր անցկացնելու իրավունք ունի մեր երկրի յուրաքանչյուր քաղաքացի: Իշխանությունները հարգել են այդ իրավունքը և շարունակելու են մշտապես հարգել: Ցավալիորեն, հանրային այդ հավաքները հաճախակիորեն հատել են օրենքով թույլատրվածի սահմանները և ստացել են անհարկի և անարխիկ դրսևորումներ, որոնց մասին մանրամասն խոսվում է Ոստիկանության բազմաթիվ հայտարարությունների մեջ: Տեղի ունեցող զարգացումները հղի են անկանխատեսելի հետևանքներով, վտանգում են հանրային կարգուկանոնը և վնասում Հայաստանի հասարակության բարդ և նուրբ ներդաշնակությունը: Մեզնից յուրաքանչյուրը պարտավոր է հիշել, որ իրենից բացի այս երկրում ապրում, սովորում, աշխատում և հանգստանում են իրենից ոչ պակաս հպարտ Հայաստանի քաղաքացիներ: Մեր հասարակության ներդաշնակությունը պետք է հիմնվի համերաշխության և հանդուրժողականության վրա: Խորապես մտահոգված եմ ծավալվող ներքաղաքական զարգացումներով: Անդառնալի կորուստներից խուսափելու նպատակով՝ կոչ եմ անում Ազգային ժողովի պատգամավոր Նիկոլ Փաշինյանին նստել քաղաքական երկխոսության և բանակցությունների սեղանի շուրջ: Դա պետք է անել անհապաղ: Վստահ եմ, որ իրավիճակին համարժեք նման երկխոսություն ձևավորելուն կարող են նպաստել երկրի բոլոր քաղաքական ուժերը»:
LIVE BLog. Yerevan Protests, April 21
CIVILNET
LIVE BLog. Yerevan Protests, April 21
12:38, 21.04.2018 / CIVILNET
CivilNet continues to cover the protest rallies in Yerevan with direct video and text updates from the ground as they happen. On April 20, in Yerevan's Republic Sq, during the evening's public rally, Nikol Pashinyan laid out a 4 point plan - 1. Serzh Sargsyan should resign his post as Prime Minister, 2. Parliament is to elect a 'people's candidate' as Prime Minister, 3. A transition government is established, 4. New election to be triggered after a vote of 'No Confidence.' This would allow for a snap election to take place. 13:00 The Human Rights Defender of the Republic of Armenia has weighed in by stating that he will work to ensure a peaceful settlement to the situation. 12:41 Nikol Pashinyan responds to Serzh Sargsyan's request to sit for a dialogue by saying they are ready to sit at a table to discuss the grounds of Serzh's removal. 12:40 The police have issued a statement saying that they've made a decision to stop the rally. "In the current situation, the constitutional rights and public interests of others have become prevailing, in other words, it is otherwise impossible to prevent their disproportionate restrictions because many police alerts, warnings and legitimate demands have been categorically ignored by the assembly / rally leader and participants." 12:20 Serzh Sargsyan has issued a statement to Nikol Pashinyan to immediately sit and begin a dialogue. In the statement, he acknowledges the right of the people to protest. He goes on to say, however, that these demonstrations and have crossed a line, which he says have been detailed by police, and have impacted the day to day life of the citizenry of Armenia, which, Sargsyan believes, is cause for concern. He ends the letter by saying that these issues, and the potential for more issues, is why Nikol Pashinyan should immediately come to the table to have a dialogue. 12:16 61 Luys Foundation beneficiaries -- graduates of the world's top universities, who received scholarship support from the government-affiliated foundation, have written a public letter to Serzh Sargsyan, calling on him to honor his word and resign from the premiership. 12:15 Demonstrators from different parts of Nork are now coming together to gather with Nikol Pashinyan 12:12 CivilNet's Tatoul Hakobyan is reporting that Nikol Pashinyan is now working to bring the participants to the rally together to a more secure location to continue the march. 11:57 Nikol Pashinyan announces that they will agree to the demands of the police and stop this gathering. He also goes on to announce that they will start a new gathering, elsewhere. 11:47 The police have stopped the march by using brute force. 11:37 Police are demanding an end to the marches. Pashinyan has asked for 20 minutes to think on the request. 11:35 Pashinyan announces a 15 minute break. 11:31 Nikol Pashinyan is calling on demonstrators to block the roads in 7th- Massiv and to not allow the police to block the march. 11:28 Police are detaining demonstrators in a rough and physical manner. Police have begun to follow the demonstrators and marches in and effort to make them stop. They are also working to isolate Nikol Pashinyan. 11:25 This video comes to us from an individual who is at the scene of the march. You can see police officers physically damaging the car with their batons. 11:15 Deputy Chief of Police, Osipyan has informed NIkol Pashinyan that their office has received complaints and reminds him that the march is illegal. He goes on to say that the freedom of movement for the people is being restricted by the marches. Pashinyan replies that according to the Law of Freedom of Assembly, a group of up to 100 people does not need to request permission. Osipyan announces that the marches must stop. 11:00 Today's march began in Nork, in the 7th massiv, near the 'Nor Doon' store. The weather is rainy here in Yerevan. The participants have been welcomed by the residents of the Nork community from doorways, balcony's and window's as they pass by. Yerevan Deputy Chief of Police, Valeri Osipyan has been seen in Nork at the start of the march. The police are trying to hamper the march. 10:30 Nikol Pashinyan has informed people that he understands that many vehicles of the participants of the movement have been damaged. He further goes on to say that he has an idea of how to use these vehicles as part of the movement in 'a worthy manner' and he will provide the location and time of that act if his idea is accepted by the people. 10:00 Serj Tankian has provided a video statement below where in it he has a message for the youth of Armenia. He has also written a song for them.
Քաղաքացիները փակել են Հյուսիս-հարավ ճանապարհը, Արագածոտնի մարզ
CIVILNET
Քաղաքացիները փակել են Հյուսիս-հարավ ճանապարհը, Արագածոտնի մարզ
14:58, 21.04.2018 / CIVILNET
Ապրիլի 21-ին Արագածոտնի մարզում քաղաքացիները փակել էին Հյուսիս-Հարավ՝ Երևան-Գյումրի ճանապարհը։
Ոստիկանները խոչընդոտում են լրագրողների աշխատանքը
CIVILNET
Ոստիկանները խոչընդոտում են լրագրողների աշխատանքը
15:03, 21.04.2018 / CIVILNET
Ապրիլի 21-ին շարունակվում են բողոքի ցույցերը և երթերը։ Ոստիկանները խոչընդոտեցին ՍիվիլՆեթի լրագրող Թաթուլ Հակոբյանի աշխատանքը։
40,000 gather in Armenia to demand leader's resignation. The Washington Post
CIVILNET
40,000 gather in Armenia to demand leader's resignation. The Washington Post
15:08, 21.04.2018 / CIVILNET
The news piece was published by the Washington Post About 40,000 demonstrators have gathered in Armenia's capital as a week of protests against the country's new prime minister showed no sign of dissipating. Protesters are calling for the resignation of Prime Minister Serzh Sargsyan, the former president who was appointed this week under a new system that gives the prime minister expanded powers and diminishes the presidency. The crowd that amassed at a central square on Friday blocked the defense minister's car before police forcefully cleared the way. The head of the Organization for Security and Cooperation in Europe's human rights bureau called on Armenian authorities to ensure the demonstrations proceed peacefully. A spokesman for the prime minister, Hovhannes Nikoghosyan, says OSCE isn't in a position "to fully and adequately evaluate the situation" since its Yerevan office closed last year. Copyright 2018 The Associated Press. All rights reserved. This material may not be published, broadcast, rewritten or redistributed. In picture: Opposition demonstrators march to protest the former president's shift into the prime minister's seat in Yerevan, Armenia, Friday, April 20, 2018. Beginning last Friday, the protests are against former President Serzh Sargsyan's assumption of the prime minister's post, just as the government changed its structure to reduce the power of the president, and give more authority to the premier. (Aram Kirakosyan, PAN Photo via AP) (Associated Press)
Եղիսաբեթ Երկրորդն այսօր նշում է ծննդյան 92-ամյակը
Azatutyun Radio
Եղիսաբեթ Երկրորդն այսօր նշում է ծննդյան 92-ամյակը
14:02, 21.04.2018 / Azatutyun Radio
Մեծ Բրիտանիայի և Հյուսիսային Իռլանդիայի միացյալ թագավորության միապետ Եղիսաբեթ Երկրորդն այսօր՝ իր ծննդյան 92-ամյակը կնշի համերգին ներկա գտնվելով: Բուքինգհեմյան մամլո ծառայությունը հայտնել է, որ Եղիսաբեթ Երկրորդը ներկա կլինի Ալբերթ Հոլ հռչակավոր սրահում: Համերգին, որը կհեռարձակվի բրիտանական հեռուստաալիքներով, կմասնակցեն Սթինգը, Շեգգին, Թոմ Ջոնսը, Քրեյգ Դեյվիդը, Քայլի Մինոգը և անվանի այլ աստղեր: «Մենք լիաթոք կաշխատենք, չգիտեմ, արդյո՞ք մեր երգերը դուր կգան Նորին Մեծությանը, գուցե հաջորդ օրը ես հայտնվեմ Թաուերում»,- կատակով ասել է Սթինգը (Թաուերը ամրոց է, հին ժամանակներում օգտագործվել է որպես բանտ): Համերգից զատ նախատեսված են միապետի 92-ամյակին նվիրված այլ՝ ընտանեկան և մասնավոր միջոցառումներ, որոնց մանրամասները Բուքինգհեմյան պալատը չի հրապարակում:
ՀՅԴ-ն ողջունում է Սերժ Սարգսյանի՝ երկխոսելու կոչը
Azatutyun Radio
ՀՅԴ-ն ողջունում է Սերժ Սարգսյանի՝ երկխոսելու կոչը
14:03, 21.04.2018 / Azatutyun Radio
ՀՅ Դաշնակցությունը ողջունում է Հայաստանի վարչապետ Սերժ Սարգսյանի կոչը՝ անհապաղ երկխոսություն և բանակցություններ սկսելու վերաբերյալ: «Ողջունում ենք ՀՀ վարչապետի կոչը՝ անհապաղ երկխոսություն և բանակցություններ սկսելու վերաբերյալ. դա Դաշնակցության առաջադրած ճանապարհին համահունչ է: Այս ճանապարհը կկանխի Հայաստանում ծավալված հետագա սրացումները, որոնք կարող են ծանր հետևանքների հանգեցնել մեր ժողովրդի և պետության համար: Քաղաքական ողջամտությունն ու երկխոսությունը այն դուռն են, որ ժողովրդի դժգոհության ու երկրի առջև ծառացած բազմաթիվ հիմնախնդիրների լուծման համար կարող են իրական ճանապարհ հարթել: Համատեղ քաղաքական քննարկումների արդյունքում հնարավոր է ժողովրդի հրապարակ դուրս գալու խորքային և հիմնական պատճառները լուծել առավել անվտանգ ու անցնցում ճանապարհով: Այս հեռանկարը մենք իրական ենք համարում: Պահը զգայուն է և լի բազմաթիվ ներքին և արտաքին վտանգներով ու ռիսկերով. խոհեմությունը թելադրում է բանակցել՝ առանց վերջնագրերի ու նախապայմանների և համախոհությամբ առաջ բերել իրական, հստակ և ժամկետներով ամրագրված քաղաքական օրակարգ, որը կբխի մեր ժողովրդի և պետության շահերից, դուռ կբացի իրական և արագ տեսանելի փոփոխությունների համար»,- նշված է ՀՅԴ տարածած հաղորդագրության մեջ:
ԱԱԾ-ն ձերբակալել է Սեֆիլյանի և «Սասնա ծռերի» հետ առնչվող մի խումբ անձանց
Azatutyun Radio
ԱԱԾ-ն ձերբակալել է Սեֆիլյանի և «Սասնա ծռերի» հետ առնչվող մի խումբ անձանց
14:27, 21.04.2018 / Azatutyun Radio
Ազգային անվտանգության ծառայությունը հաղորդագրություն է տարածել՝ նշելով, որ ահաբեկչական գործողություններ նախապատրաստելու կասկածանքով բերման են ենթարկվել ու ձերբակալվել են «Ժիրայր Սեֆիլյանի և «Սասնա ծռեր» զինված խմբի ան­դամ­ների հետ առնչություն ունեցող ՀՀ քա­ղա­քացիներ Հ.Բ-ն և Շ.Մ-ն», ինչպես նաև «վերջիններիս ենթադրյալ 4 հանցակիցները»: Հաղորդագրությունում նշվում է․ - «Ստացված նախնական տեղեկությունների համաձայն՝ Ժիրայր Սեֆիլյանի և «Սասնա ծռեր» զինված խմբի ան­դամ­ների հետ առնչություն ունեցող ՀՀ քա­ղա­քացիներ Հ.Բ-ն և Շ.Մ-ն ստեղծելով հանցավոր համագործակցու­թյուն և ղե­կա­վարելով այն, նպատակադրվել են Հայաստանի Հանրապետության մի շարք բնակավայրերի հան­րային նշանակության տար­բեր վայրերում, այդ թվում՝ Երևան քաղաքի «Ազատության» հրապարակում, «Դալմա Գար­դեն Մոլ» առևտրի և զվարճանքի կենտրոնում, տրանս­պոր­տա­յին միջոցների և կամուրջների տակ, հաղոր­դակ­ցության այլ ուղիներում, ինչպես նաև բնակելի տների շրջակայքում տե­ղադրվող 100-150 հատ հեռա­կա­ռավարվող ինքնաշեն պայթուցիկ սար­քերի գործադրմամբ անձանց, այդ թվում՝ ՀՀ իրավա­պահ մար­մին­ների, ինչպես նաև այլ պաշտոնատար անձանց մահվանը կամ ծանր մարմ­նա­կան վնաս­վածք­ներ պատճառելուն ուղղված պայթյուններ և հան­­րավտանգ հանցավոր այլ գործողություններ իրա­կա­նացնելու միջոցով Հայաստանի Հան­­րա­պե­տու­թյունում ձևավորել համատարած վախի մթնո­լորտ և, պե­տա­կան իշխա­նու­թյան մարմինների վրա ապօ­րինի ճնշում գոր­ծադ­րելով՝ վերջին­նե­րիս առաջադրել որոշակի գործողություններ կա­­տարելու պահանջներ»։ «Ազգային անվտանգության ծառայության համապատասխան ստորաբաժանումների աշխատակիցներից կազմված օպերատիվ-քննչական խմբերի կողմից միաժամանակ 19 խու­զարկություն է իրականացվել առանձին անձանց բնակարան­նե­րում և ավտոմե­քե­նա­նե­րում, որոնց արդյունքում հայտնաբերվել են գործի համար նշանակություն ունեցող առարկա­ներ, այդ թվում՝ վառոդային լիցքեր, էլեկտրական բոցավառիչներ (դետոնատոր), հրահաղորդ քու­­ղեր (ֆիթիլ) և ինքնաշեն պայթուցիկ նյութերի ու պայթուցիկ սարքերի այլ բաղադրա­տար­րեր։ Հանցանք կատարելու մեջ անմիջականորեն ծագած կասկածանքի հի­ման վրա Հ.Բ-ն և Շ.Մ-ն, ինչպես նաև վերջիններիս ենթադրյալ 4 հանցակիցները բերման են ենթարկվել ՀՀ ԱԱԾ և ձերբակալ­վել», - նաև ասված է հաղորդագրությունում: ՀՀ ԱԱԾ-ն հորդորում է «զերծ մնալ ազգային անվտան­գու­թյանը սպառ­նա­ցող նկրտում­նե­րի ցանկացած դրսևո­­րումներից, միաժամանակ ազգաբնակչությանը, այդ թվում՝ հավաք­նե­րի մասնակիցներին կոչ է անում ցուցաբերել առավել զգոնություն»։
Daha...


|
Beğen ve abone ol