Հանրությունը քննարկում է Փաշինյան-Ծառուկյան «գզվռտոցը»
Ինչպես արդեն հայտնել էինք, ՀՀ վարչապետ Նիկոլ Փաշինյանը ֆեյսբուքյան իր էջում գրառում էր կատարել ու անդրադարձել ԿԳՄՍ նախարար Արայիկ Հարությունյանի` ԱԺ ամբիոնից Գագիկ Ծառուկյանի հասցեին հնչեցրած ելույթին: Վարչապետի գրառմանը արձագանքել էր «Բարգավաճ Հայաստան» կուսակցության ղեկավարը:
|
Հրաչյա Հակոբյան, ԱԺ «Իմ քայլը» խմբակցության պատգամավոր
Գագիկ Ծառուկյանն առաջարկում է սահմանադրությամբ ամրագրել, որ հոգեկան լուրջ խնդիրներ ունեցող անձինք իրավունք չունենան բարձրագույն պաշտոններ զբաղեցնել։ Լիովին համաձայն եմ։ Կարծում եմ` պետք է ֆիքսել նաև մտավոր և ինտելեկտուալ լուրջ խնդիրներ ունեցող անձանց պարագան։ Իսկապես արժի... |
Հայկ Մարտիրոսյան, քաղաքագետ
Երկրի ղեկավար վարչապետը կամ երկրի ղեկավար նախագահն այն պաշտոններն են, որն զբաղեցնող յուրաքանչյուր անձ գրեթե ամբողջությամբ օբյեկտիվորեն զրկվում է անձնական դաշտի անձեռնմխելիությունից` պահպանելով դրա ամենամինիմալ ծվենները միայն: Ու դա նորմալ է, այդպես պետք է լինի: Նման բարձր պաշտոնը մեծ զոհողություններ է ենթադրում և մեծագույն հրապարակային հաշվետվություն: Եվ հենց այդ համատեքստում է նաև, որ վարչապետի անձը կամ ընտանիքը հանդիսանում են հասարակական կամ անհատական քննադատությունների լեգիտիմ թիրախ: Այդ համատեքստում է, որ վարչապետի անձի յուրաքանչյուր հանգամանք կարելի է քննադատել, որովհետև վարչապետը սովորական քաղաքացի չէ, սովորական մարդ չէ այլևս, այլ` պետության խորհրդանիշ և ներկայացուցիչ: Նրա տունը հասարակության ձեռքով կառուցված բեմն է, իսկ անձնական և ընտանեկան կյանքը լուսարձակների տակ պետք է անցնի: Երկրի ղեկավարը` պաշտոնը ստանձնելով, բարոյական հարթությունում պարտավոր է հրաժարված լինել անձնական որևէ գաղտնիքից, որևէ վիրավորանք անձնական ընդունելուց կամ անձնավորվելուց: Այդպես է բոլոր բռնատիրություն չհանդիսացող երկրներում: Բռնատիրություն չհանդիսացող երկրներում մեկ այլ կարևոր հանգամանք է գործում. երկրի ղեկավարը գիտակցում է իր պաշտոնի, ինչպես ասում են Արևմուտքում` «գրասենյակի» բեռը, արժեքն ու ակնկալվող վեհությունը և իրեն թույլ չի տալիս մանրանալ, հակառակորդների հարցում անձնականացնել ամեն բան, բամբասկոտ էակի պես անցյալից կոմպրոմատներ հանել հրապարակ և բոլոր նրանց, որոնցից օգտվել է, գործընկեր դարձել, հետո` թշնամացել, պետության լծակների ընձեռած հնարավորություններն օգտագործելով` մրոտել, կեղտոտել ու շարքային բանսարկուի պես անվանարկել: Ես վերջին մարդն եմ, որ կպաշտպանի տվյալ մեղադրանքի հասցեատիրոջը, բայց որպես քաղաքացի` ցավում եմ և ամաչում, որ Հայաստանի ղեկավարն այսքան նվաստացնում է սեփական պաշտոնը և մշտապես իջնում հակառակորդների կեղտոտ լվացքն արևին փռող թաղային կենցաղագետի մակարդակի: Ամաչում եմ նաև, երբ նա դա անում է այլոց` իր մանկլավիկների ձեռամբ և շուրթերով: Որևէ իրեն հարգող պետության համար սա ամոթ է: Պետական, անգամ` ազգային ամոթ: Ամաչո՞ւմ ենք արդյոք մենք: Իհարկե, ո՛չ: Անամոթությունը մեզ համար հանդուրժելի, ընդունելի մի երևույթ է այլևս: Վաղը բոլորով հաստատ ամաչելու ենք: Ամաչելու ենք նրա համար, որ նման ամոթալի իշխանություն ենք հանդուրժել: |
Ալեն Սիմոնյան, ԱԺ փոխխոսնակ
Վստահ եմ՝ պարոն Ծառուկյանի էջում հայտնված մեջբերումը վերաբերում է Պետրոսյան Գևորգին, որի հետ կապված տեղեկություններ են պտտվում, որ առողջական խնդիրներ է ունեցել մշտապես, նաև՝ երբ նախարար է եղել: Դա պատճառ է հանդիսացել, որ մի քանի ամիս լինելով Սոցապ նախարար, լքել է պաշտոնը: Չգիտեմ, կարծում եմ՝ նման պարագայում Գագիկ Ծառուկյանը համարձակություն կունենար անուն նշել: Ես վստահ չեմ նաև, որ այդ էջը պատկանում է Գագիկ Ծառուկյանին: |
Իվետա Տոնոյան, «Բարգավաճ Հայաստան» խմբակցության պատգամավոր
Այն, որ պարոն Սիմոնյանը բավականին վառ երևակայություն ունի, որևէ մեկը կասկածի տակ չի դնում: Պարոն Ծառուկյանի գրառման մեջ ով պետք է իրեն տեսներ ու գտներ, վստահաբար տեսել ու գտել է: |
Էդուարդ Շարմազանով, ՀՀԿ խոսնակ
Գործադիրի ղեկավարն ու նրա թիմը քաղաքական բանավեճը վեր են ածել զզվելի ու անձնական վիրավորանքներով լի «բազարի»: Սթափվե՛ք, ամոթ է: |
Քրիստ Հովսեփյան, «Իմ իրավապաշտպանը» ՀԿ նախագահ
Ժամանակն է, որ որոշ թերզարգացած թալանչիներ սթափ գնահատեն իրենց մտավոր կարողությունները և համապատասխանաբար լռեն, այլապես կրկին կվերածվեն քաղաքական խամաճիկի, որի փորձն արդեն իսկ ունեն: |
Վարդան Հարությունյան, ՀԱԿ ակտիվիստ
Նիկո՛լ Փաշինյան, տենց էլ չմեծացար և գործիչ չդարձար, մնացիր պոպուլիստ դեղին մամուլի լրագրողի մակարդակում։ Դու ՀՀ սուպերվարչապետն ես, և կառավարման ամբողջ լծակները պատկանում է քեզ և նման ցածրորակ գրառումների փոխարեն արդեն պիտի Գագիկ բռնաբարը բանտում լիներ։ Հա, չմոռանանք ձեր կոալիցիոն կառավարությունը և ձեր հուշագիրը ձեր ասած եկեղեցու տարածքում խմբակային բռնաբարություն կազմակերպողի հետ, իսկ Դոդի կազմակերպած բռնաբարության մասին, ի դեպ, վաղուց էր հայտնի... |
Գևորգ Պետրոսյան, «Բարգավաճ Հայաստան» խմբակցության պատգամավոր
Ալեն Սիմոնյանը հղի է... Ես մինչ օրս գիտեի, թե հղիությունը բացառապես մի տեսակ ունի... Բայց արի ու տես, որ Ալեն Սիմոնյանը հակառակն է ապացուցում... Փաստորեն, կա նաև հոգեկան հղիություն, ինչով ծանրաբեռնված է Ալեն Սիմոնյանը: Նա, չկարողանալով մասնագիտորեն հակադարձել իմ գնահատականներին, մտել է ստորության դաշտ ու անխնա արածում է: Էնքան նեղն ա ընկել, որ Ծառուկյանի՝ լրիվ ուրիշ մարդու մասին արված գրառումը բերում-կպցնում ա ինձ: Բարոյականության (հատկապես՝ տղամարդկային) հետ դեռ պատանեկության տարիներից լրիվ վերջնահաշվարկ կատարած այս երկոտանին շփոթվել ա իր կարգավիճակից ու ընկել ա ցայտնոտի մեջ: Ա՜յ տղա, օրինագիծ գրի, խելոք մնա քո տեղում, քանի դեռ բերանս չեմ բացել... Ասենք՝ գունավոր վիբրատոր՝ Միացյալ նահանգներից... Ու էլի ըտենց բաներ... |
Դանիել Իոաննիսյան, «Իրազեկ քաղաքացիների միավորում» ՀԿ հիմնադիր
Ի պատասխան Գագիկ Ծառուկյանի՝ սահմանադրությամբ հոգեկան առողջության խնդիրներով մարկդնաց բարձրագույն պաշտոնների նշանակվելու արգելք սահմանելու մասին առաջարկի` նախ ասեմ, որ ժամանակն է, որ Ազգային ժողովի պատգամավորները դ̵ո̵դ̵ո̵ւ̵թ̵յ̵ո̵ւ̵ն̵ն̵ե̵ր̵, ախմախություններ դուրս չտան: Երկրորդը՝ կարծում եմ, որ ժամանակն է, որ «Կուսակցությունների մասին» օրենքով փակվեն քաղաքականությունում օլիգարխիայի ճանապարհները: Ժամանակն է փակել գրպանի կուսակցություններ ու գրպանի ԱԺ խմբակցություններ ունենալու օլիգարխների հնարավորությունները: Պարոն Ծառուկյանին նաև հիշեցնեմ, որ ԲՀԿ-ն ներկայացված է սահմանադրական բարեփոխումների հանձնաժողովում և իրավունք ունի ներկայացնելու ցանկացած (թեկուզ անհեթեթ) առաջարկ: |