Խնդրում ենք սպասել...
COMMENT.am
Այսօր`  հինգշաբթի, 13 դեկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Քննարկումներ

«Մարդ ինչքա՞ն պիտի ինքնագնահատականը կորցնի, որ նման խոստովանություն անի». համացանցը քննարկում է Արմեն Աշոտյանի ելույթը

չորեքշաբթի, 14 նոյեմբերի, 2018 թ.
«Մարդ ինչքա՞ն պիտի ինքնագնահատականը կորցնի, որ նման խոստովանություն անի». համացանցը քննարկում է Արմեն Աշոտյանի ելույթը

ՀՀԿ խմբակցության պատգամավոր Արմեն Աշոտյանը, ԱԺ նիստի ժամանակ անդրադառնալով առաջիկա ընտրություններին ՀՀԿ-ի մասնակցության վերաբերյալ փոխվարչապետերի հարցազրույցներին, ասել էր. «Մեկն ասում է՝ մրցակիցներ չունենք, ՀՀԿ-ն մեզ մրցակից չէ, մյուսն ասում է՝ մենք արդեն հաղթել ենք: Տղերք, մի եղեք այդքան ինքնավստահ, որովհետև կործանումը սկսում է մեծամտությունից: Ախր եթե գլուխ եք գովում Նիկոլի շուքի, ստվերի տակ, հիշեք՝ եթե ձեր նախընտրական եռյակի 1-ին տեղում լինի Նիկոլի ուսապարկը, 2-րդ տեղում՝ Նիկոլի «դուխով» կեպկեն, 3-րդ տեղում՝ Նիկոլի հազը, դուք մեկ ա 80% ձայն եք հավաքելու: Իսկ եթե ռեյտինգայինով, այնտեղ որտեղ ես եմ դնում, դնի ոչ թե կոնկրետ անձ, այլ Նիկոլի սելֆիի ձողիկը, էլի 1-ին տեղն է գրավելու: Էս նիկոլամանիայի պտուղներից քաղեք, բայց մի թափահարեք: Դուք ունեք գուցե լումա, բայց ոչ այնքան, որ քաղաքական այդ ժառանգությունը վերագրեք ձեզ»:


Պատգամավորի ելույթը քննարկման թեմա է դարձել համացանցում:

Այս թեման մեկնաբանել են`

Արմեն Դուլյան, լրագրող

Արմեն Դուլյան, լրագրող

Ինչպես ենք առաջադիմել... Մի ժամանակ ասում էինք՝ պոլի փեդ լինի, մենակ թե ՀՀՇ լինի... Հիմա արդեն ասում ենք՝ սելֆիի ձող լինի, մենակ թե նիկոլական լինի... Պրոգրես...

Արամ Կարապետյան, «Նոր ժամանակներ» կուսակցության նախագահ

Արամ Կարապետյան, «Նոր ժամանակներ» կուսակցության նախագահ

Եթե որևէ քաղաքական գործչի սելֆիի փայտիկն ավելի շատ ձայն կարող է հավաքել, քան ուրիշ քաղաքական գործիչը, իր ծրագրերով, գաղափարներով, փոփոխության ուղիներով, ապա այդ «ընտրությանը», ավելի ճիշտ՝ միջոցառմանը մասնակցելու...ԻՄԱԱՏԸ...

Լևոն Գալստյան, բնապահպան

Լևոն Գալստյան, բնապահպան

Ո՞նց ՖԲ-ին խնդրենք, որ լրացուցիչ ֆունկցիա ավելացնի մեր համար՝ սեղմում ես դրա վրա ու էլ չես տեսնում ՀՀԿ-ի և իր արբանյակների դեմքերն ու բարբաջանքները։

Արիս Վաղարշակյան, լրագրող

Արիս Վաղարշակյան, լրագրող

Թե բա` Նիկոլի սելֆիի ձողիկն էլ մեզ կհաղթի: Մարդ ինչքա՞ն պտի ինքնագնահատականը կորցնի, որ նման խոստովանություն անի, կամ ինչքա՞ն հանցագործ թիմի ներկայացուցիչ պտի լինի, որ մտածի, թե հասարակությունը, միևնույն է, կընտրի ձողին: Կամ ինչքա՞ն չկայացած քաղաքական գործիչ պտի լինի, որ չկարողանա համոզել, թե ինքը ձողից պիտանի է: Բայց էս խոստովանությունն ունի նաև սկիզբ. Նիկոլը ուժեղ ա, թիմը՝ ոչ մի բանի պիտանի: Նիկոլը որքան էլ ուժեղ լինի, մտավոր և կամային բարձր հատկանիշներով օժտված, չէր կարող միայնակ անել այն, ինչ եղավ: Իհարկե, թիմում կան ուժեղներ և թույլեր, անգամ, քարուքանդ եղածներ, բայց մի՛ երևակայեք, թե, իբր, դուք քաղաքական գործիչներ եք: Մի՛ մոռացեք, որ մեծացել եք նախաճաշին ընտրակաշառք բաժանելով, լանչին՝ վարչական լծակ օգտագործելով, իսկ ընթրիքին՝ թվանկարչության պարտադիր դոզան ստանալով:

Մկրտիչ Իսրայելյան, լրագրող

Մկրտիչ Իսրայելյան, լրագրող

Փաստորեն հանրապետականները պաշտոնապես ընդունեցին, որ ուսապարկն ու սելֆիի ձողն իրենցից ավելի շատ հեղինակություն ունեն:

| | |
9032 | 3