«Պրծանք ռոբասերժիկական բանդայի ԱԺ-ից». հանրությունը քննարկում է ԱԺ-ի արձակումը
Ձայների 0 կողմ, 0 դեմ, 13 ձեռնպահ հարաբերակցությամբ Նիկոլ Փաշինյանը երկրորդ անգամ ևս չընտրվեց ՀՀ վարչապետ: Տեղեկացնենք, որ 2-րդ ընտրությանը վարչապետ չընտրվելու դեպքում Ազգային ժողովն արձակվում է իրավունքի ուժով, որի վերաբերյալ Հանրապետության նախագահն ընդունում է հրամանագիր՝ Ազգային ժողովն արձակելու և արտահերթ ընտրություն նշանակելու մասին: |
Նիկոլ Փաշինյան, ՀՀ վարչապետի պաշտոնակատար
Ազգային ժողովն արձակված է իրավունքի ուժով: Շնորհավորում եմ: |
Դավիթ Սանասարյան, Պետական վերահսկողական ծառայության պետ
Ահա և վերջ. «խորհրդարանն առանց ՀՀԿ-ի» օպերացիան հաջողությամբ հասավ տրամաբանական եզրակետին։ Շնորհավորում եմ բոլորիս: |
Գագիկ Սուրենյան, ՀՀ ԱԻՆ Հիդրոմետ ծառայության օդերևութաբանության կենտրոնի պետ
Սառն օդի լճացումն ԱԺ-ում ցրվեց իրավունքի ուժով: |
Արեն Մկրտչյան, վարչապետի օգնական
Ազգային ժողովն արձակված է օրենքի ուժով։ Ժողովրդի իշխանությունն այլևս չունի այլընտրանք։ |
Պարույր Հայրիկյան, Ազգային ինքնորոշում միավորման նախագահ
Թե պայմանավորված ներկայացում էր, գերազանց խաղացին, իսկ եթե այդպէս չէր՝ ինչքա՜ն խեղճ են ու անմակարդակ։ |
Լևոն Բարսեղյան, Ժուռնալիստների «Ասպարեզ» ակումբի խորհրդի նախագահ
Եվս մեկ կեղծիք վերացվեց: Սերժիկի ետևից գնաց նաև իր կեղծուպատիր սահմանադրութամբ և չընտրություններով ձևավորված Ազգային ժողովը: Այլևս վզերիս նստած տգետների, մորթապաշտների, ցինիկների, ձրիակերների, թալանչիների, կեղծավորների, սերժահպատակների և զավթարարների այդ գումարտակը չենք տեսնելու որպես օրենսդիր: Պատշաճորեն ամեն ինչ պիտի անենք նման խայտառակություն Հայաստանում այլևս չունենալու համար: Մեր երկիրն արժանի չէր նման զրկանքների, եթե արժանի էլ էր, ապա շատ թանկ արժեցավ էս պատիժը: Պատրաստվեք կարգին խորհրդարան ընտրելու, այն պիտի լինի ժողովրդից, կառավարվի ժողովրդով և ծառայի ժողովրդին: Կասկածամիտները կհարցնեն՝ ինչ է ժողովուրդը: Ասեմ` նրանք, որ կարեցան իշխանությունը մաքրել զավթարարներից, հիմա կոնցլագերը մարդկանց գլուխներից և երկիրը ժանգից մաքրելու ժամանակն է: Կգա ժամանակ, երբ շատերը նախանձելու են մեզ, որ մենք տեսել ենք այս օրը: Շնորհավոր ժողովուրդ: |