Խնդրում ենք սպասել...
COMMENT.am
Այսօր`  ուրբաթ, 16 նոյեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Քննարկումներ

Հանրությունը քննարկում է Նիկոլ Փաշինյանի ելույթն ԱԺ-ում

հինգշաբթի, 25 հոկտեմբերի, 2018 թ.
Հանրությունը քննարկում է Նիկոլ Փաշինյանի ելույթն ԱԺ-ում

Հոկտեմբերի 24-ին ԱԺ-ն քննարկում էր վարչապետի ընտրության հարցը. առաջադրված միակ թեկնածուն Նիկոլ Փաշինյանն էր: Նա ծավալուն ելույթ ունեցավ, որին հաջորդեցին համացանցի բուռն արձագանքները:


Հիշեցնենք, որ ձայների 0 կողմ, 1 դեմ, 11 ձեռնպահ հարաբերակցությամբ Նիկոլ Փաշինյանը չընտրվեց ՀՀ վարչապետ:

Նիկոլ Փաշինյանի ելույթն ԱԺ-ում
Այս թեման մեկնաբանել են`

Թևան Պողոսյան, հասարակական հիմունքներով ՀՀ նախագահի խորհրդական

Թևան Պողոսյան, հասարակական հիմունքներով ՀՀ նախագահի խորհրդական

ԱԺ-ում Նիկոլի ելույթում հոգուս դիպչողն այն էր, որ տեսել ու զգացել է, թե ոնց իր աչքի առաջ մարդ քանդուքարափ է լինում։ Ունեցել եմ շատ առիթներ կրկնելու հետևյալ միտքը՝ մարդ իր կյանքում երեք գլխավոր փորձության է առերեսվում ու եթե կարողացավ դիմանալ, ապա կմնա ՄԱՐԴ։ Դրանք են` փողի փորձությունը, փառքի փորձությունը և իշխանության փորձությունը։


Այսօրվա դրությամբ (1988-ից սկսած` մինչ երեկ) այս երեք փորձություններն ամբողջովին դիմակայած ու նույն ՄԱՐԴԸ մնացած ընդամենը 10-ին ունեմ իմ արժեքային գնահատման դաշտում, ու երևի նրանցով Աստված ինձ պարգև է արել։

Ալեն Սիմոնյան, ԱԺ «Ելք» խմբակցության պատգամավոր

Ալեն Սիմոնյան, ԱԺ «Ելք» խմբակցության պատգամավոր

Լսում եմ Նիկոլ Փաշինյանին արդեն երևի 10 տարի է. լսում եմ, կարդում եմ: Զարմանում եմ, թե ոնց է կարողանում ամեն անգամ ինձ զարմացնել, հուզել, ասել այն, ինչ մտածում էի... և նույնիսկ ասել այն, ինչ ես չէի մտածի, որ կարելի է ասել, ես չէի համարձակվի ասել:
Ու ամեն ելույթից հետո, երբ վստահ եմ լինում, որ վերջ սա էր... նոր խոսք, նոր ասելիք, նոր ձևակերպում:
Ուրախ եմ, որ այսօր մեր երկիրը սենց առաջնորդ ունի, մենք դրան արժանի ենք:

Արմեն Մելիքյան, պատմաբան

Արմեն Մելիքյան, պատմաբան

Նիկոլ Փաշինյանի ելույթը լավագույներից էր իր ողջ քաղաքական կենսագրության ընթացքում և լավագույնը, որպես երկրի ղեկավար՝ ունեցած ելույթների մեջ: Հստակ մեսիջներով, գործնական, ուսուցողական, բացատրելի, էմոցիոնալ ֆոնի նվազում և քաղաքական խոսքի, ռազմավարության, մարտավարության լիակատար հստակություն:
Հանրությունը միշտ էլ էմոցիոնալ ֆոն ապահովող ելույթների կարիք զգացել է և դրանք նաև բերել են գործնական արդյունքներ, բայց ինձ այս տեսակ ելույթն է դուր գալիս, որտեղ կա ևʹ էմոցիաներ, ևʹ հասկանում էս ասվածի կարևորությունը, ևʹ դա քեզ հոգեհարազատ է, քո քաղաքական պատկերացումներին համահունչ:

Բորիս Նավասարդյան, Երևանի մամուլի ակումբի նախագահ

Բորիս Նավասարդյան, Երևանի մամուլի ակումբի նախագահ

Թեև Նիկոլ Փաշինյանի ելույթը մտահոգվելու որոշ առիթներ տվեց, սակայն հարցերի պատասխանները և եզրափակիչ ելույթը վկայեցին, որ ունենք նպատակների մեջ ազնիվ (ներողություն գրագողության համար) ու երկրի հոգսերով ապրող ղեկավար: ԱԺ-ի նիստը նաև ցույց տվեց, որ վարչապետին անհրաժեշտ է հնարավորինս հաճախ գտնվել երկխոսության, այլ ոչ թե մենախոսության ու հիացած համախոհներով շրջապատման ռեժիմում:

Հովհաննես Ազոյան, դերասան

Հովհաննես Ազոյան, դերասան

Այնքան շնորհակալ եմ համբերությանդ ու ադեկվատությանդ համար, որ մի միլիմետր անգամ չի շեղվում: Ցավը նրանում է, որ մեր ժողովրդի մի մասի գանգատուփի մեջ տկարամիտ ուղեղ է ձևավորվել` այս 25-ից ավել տարիների ընթացքում... Բարդ է լինելու բուժել այդ քրոնիկ հիվանդությունը, բայց հնարավոր` ամենօրյա անշնորհակալ ու աստվածահաճո աշխատանքի միջոցով...

Արմեն Մովսիսյան, երգիչ-երգահան

Արմեն Մովսիսյան, երգիչ-երգահան

Էս վերջին ելույթից հետո գոնե մի երկու օր ֆբ-ն կհանդարտվի, մինչև մի բան մտածենք քննադատելու....Օ՜ֆ ապրի Աժ-ն. վերջը մի բանի պետք եկավ:

Հովսեփ Խուրշուդյան, «Ժառանգություն» կուսակցության անդամ

Հովսեփ Խուրշուդյան, «Ժառանգություն» կուսակցության անդամ

Դե, եթե ժողովրդավարական երկրի՝ Նոր Հայաստանի, վարչապետի համար ոչ ավանդական սեռական կողմնորոշում ունեցող ՀՀ շուրջ 100.000 քաղաքացիները «գլխացավանք» են ու նա չգիտի, թե ինչ անել նրանց հետ՝ կախե՞լ (այս և այսուհետ մյուս բոլոր «լուծումները» մեջբերված են Նիկոլի՝ ԱԺ-ում ունեցած այսօրվա ելույթից), վտարե՞լ երկրից, վերականգնե՞լ սովետական քրեական օրենսգիրքը, որով այս կատեգորիայի մարդկանց բանտ էին նետում և այսպիսով «լուծում» (վարչապետի բնորոշումն է) խնդիրը, թե՞ պարզապես արգելել «քարոզչությունը», որ այս համայնքը չընդլայնվի (փաստորեն որոշ հարցերում վարչապետի գիտելիքները չեն անցնում «Կարգին» սերիալներից քաղված տեղեկություններից այն կողմ, որտեղից կարելի է եզրակացնել, որ ԼԳԲՏ «դառնում են» հարցուփորձ անելով), ուրեմն այս տաբուացված հարցի շուրջ լիկբեզը պետք է անցկացնել, փաստորեն, ոչ միայն շարքային քաղաքացիների, այլ նաև երկրի ամենաբարձր ղեկավարության շրջանում:

| | |
4309 | 0